Boş ay 27 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 276 kişi oğrağan. Ağımdaki yılnıñ başından berli Qırımda 18842 kişiniñ bu hastalıqqa oğrağanı aqqında bellidir.
Amerika Birleşken Devletleriniñ AHİT-da Elçisi Ceyms Gilmor Rusiye Federatsiyasını işğal etilgen Qırımdaki suistimallarını toqtatmağa çağırdı. O, Rusiyege boysunmağan faallerniñ zorbalıqnen psihiatrik hastahanelerge yerleştirilip cezalanğanı munasebetinen öz raatsızlığını bildirdi.
Cumaaqşamı künü, boş aynıñ 21-da Viyanada Ukrainanıñ halqara teşkilâtlarda daimiy temsilcisi Yevgen Tsımbalük AHİT Daimiy şurasınıñ oturuşuvı esnasında Rusiye Federatsiyasından halqara aq qorçalav vastalarınıñ, şu cümleden, AHİT Mahsus nezaret etici missiyasınıñ Qırımğa maniasız irişe bilmesini talap etti.
Aqmescitniñ Kıyiv rayon ''mahkemesi'' Bahçisaraydaki ''Hizb ut-Tahrir davasınıñ” iştirakçilerine apis müddetlerini uzattı. Oleksandr Sizikov, Vadim Bektemirov, Alim Sufyanov, İsmet İbragimov ve Seyran Hayredinov 2021 senesi saban ayınıñ 2-nece, Zekirya Muratov ise 2021 senesi qural aynıñ 17-ne qadar apis altında qalacaqlar.
2020 senesiniñ 9 ayı devamında işğal etilgen Qırımda adaletli mahkeme aqqınıñ 332 kere bozulğanı qayd etildi, olardan 277 qırımtatarlarnen bağlı edi. Bu köstergiç evelki yıllarğa köre eksildi: 2019 senesiniñ 9 ayı devamında 578 adise, 2018 senesi ise 355 adise qayd etildi. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.
Cumaaqşamı künü, ilk qış ayınıñ 10-da, Avropa Birliginiñ elçileri Rusiye Federatsiyasına qarşı iqtisadiy sanktsiyalarını 6 ayğa uzatacaqlar. Bu aqta jurnalist Rikard Yozvâk öz Twitterdeki saifesinde haber etti.
2020 senesiniñ 9 ayı devamında işğal etilgen Qırımda 195 insan tevqif etildi, olardan 152 - tamır qırımtatar halqınıñ vekilleridir. 195 adiseden 48 yañı tevqif etüv ve çıqarılğan ükümler, 147 - qırımlı siyasiy mabuslarğa tevqif etüv müddetleriniñ uzatılmasıdır. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.
2020 senesiniñ 9 ayı devamında 70 sorğu, sorav ve ''sübet'' keçirildi, olardan 34 qırımtatar halqınıñ vekilleri ile bağlı edi. Keçken senelerniñ aynı devirleri ile qıyaslağanda, sorğularnıñ miqdarı azlaştı: 2019 senesiniñ 9 ayı devamında 169 adise, 2018 senesi ise 111 adise qayd etildi. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.
Boş ay 26 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 292 kişi oğrağan. Ağımdaki yılnıñ başından berli Qırımda 18566 kişiniñ bu hastalıqqa oğrağanı aqqında bellidir.
Kene ŞİZO-ğa keçirilgen Aqmescitteki ''Hizb ut-Tahrir davasınıñ” iştirakçisi, siyasiy mabus Abdullayevniñ COVİD-19 hastalığına oğrağanı tasdıqlandı. Bu aqta siyasiy mabusnıñ anası Dilâra Abdullayeva öz Facebook saifesinde haber etti.
Ukraina Nazirler şurası işğal etilgen Qırım ile memuriy sıñırnıñ keçmesini 14 ile 16 yaş arasındaki balalar içün qolaylaştırdı. Olar doğuv aqqında şeadetnamelerinen KÇNN-nı mustaqil şekilde keçe bileler. Bu aqta Ukümet portalında haber etile.
2020 senesiniñ 9 ayı devamında Qırımda 68 kişi yaqalandı, olardan 28 - qırımtatarlardır. 2018 ve 2019 seneleriniñ aynı devirleri ile qıyaslağanda, yaqalavlar eksildi: 2019 senesiniñ 9 ayı devamında 126 adise, 2018 senesi ise 91 adise qayd etildi. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.
Boş ay 25 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 282 kişi oğrağan. Ağımdaki yılnıñ başından berli Qırımda 18274 kişiniñ bu hastalıqqa oğrağanı aqqında bellidir.
2020 senesiniñ 9 ayı devamında Rusiye quvetçileri Qırımda eñ azından 40 tintüv keçirildi, olardan 25 - qırımtatarlarnıñ evlerinde yüz berdi. Bu köstergiç keçken seneniñ aynı devirine köre 2 kere azdır. Böyle deñişme, QMM ekspertleriniñ fikirince, tacmaraz salğını ile bağlıdır. Bu aqta 2020 senesiniñ 9 ayı devamında yüz bergen insan aqlarınıñ bozuluvları boyunca Qırımtatar Maaliy Merkezi tarafından azırlanğan esabatta haber etile.
Qırımtatar Maaliy Merkezi işğal etilgen Qırımda 2020 senesiniñ 9 ayı devamında yüz bergen insan aqları bozuluvlarnıñ talilini taqdim ete. Nezaret etüvniñ neticelerine binaen, esap etilgen devirde yarımadada 40 tintüv, 68 yaqalav, 70 sorqu, sorav ve ''sübet'' keçirildi, 195 insan tevqif etildi: 48 yañı tevqif ve çıqarılğan ükümler, 147 - qırımlı siyasiy mabuslarğa tevqif etüv müddetleriniñ uzatılmasıdır. Bundan ğayrı, adaletli mahkeme aqqınıñ bozuluvı ile 332 adise, fizikiy ve ruhiy sağlığınıñ eñ yüksek seviyesine irişe bilüv aqqınıñ bozuluvı ile bağlı 112 adise ve siyasiy mabuslanıñ Qırımdan avuştırıluvı ile bağlı 33 adise qayd etildi. Bundan ğayrı, QMM esabatında muntazam şekilde yüz bergen vandalizm adiseleri, diniy aqlarnıñ bozuluvı, yarımadadaki ekosistemanıñ bozuluvı, tevqifhane ile apishanelerdeki qabul etilemeycek şaraitler, siyasiy mabus aqlarınıñ bozuluvı ve işğal etilgen Qırımda qanunsız alda keçirilgen arbiy talimatlar aqqında haber etile.
Salı künü, boş aynıñ 24-de, Qırımtatar Maaliy Merkezi ve Qırımtatar Milliy Meclisi onlayn şekilde işğal etilgen Qırımda 2020 senesiniñ 9 ayı devamında yüz bergen insan aqları bozuluvlarnıñ talilini taqdim ettiler. Nezaret etüvniñ neticelerine binaen, esap etilgen devirde yarımadada 40 tintüv, 68 yaqalav, 70 sorqu, sorav ve ''sübet'' keçirildi, 195 insan tevqif etildi: 48 yañı tevqif ve çıqarılğan ükümler, 147 - qırımlı siyasiy mabuslarğa tevqif etüv müddetleriniñ uzatılmasıdır. Bundan ğayrı, adaletli mahkeme aqqınıñ bozuluvı ile bağlı 332 adise, fizikiy ve ruhiy sağlığınıñ eñ yüksek seviyesine irişe bilüv aqqınıñ bozuluvı ile bağlı 112 adise ve siyasiy mabuslanıñ Qırımdan avuştırıluvı ile bağlı 33 adise qayd etildi.
Boş ay 24 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 239 kişi oğrağan. Ağımdaki yılnıñ başından berli Qırımda 17992 kişiniñ bu hastalıqqa oğrağanı aqqında bellidir.
Boş ay 23 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 282 kişi oğrağan. Ağımdaki yılnıñ başından berli Qırımda 17753 kişiniñ bu hastalıqqa oğrağanı aqqında bellidir.
BM teşkilâtında ABD missiyası işğal etilgen Qırımda insan aqları boyunca qararnameniñ muelliflerinden biri olğanınen ğururlanğanını qayd etip, Rusiye Federatsiyasını işğal etilgen Qırımdaki suistimallarını toqtatmağa çağırdı. Bu aqta teşkilât öz Twitter saifesinde haber etti.
