Екологічна карта Криму
Aluşta regionı
Aluşta regionı Qırımnıñ Cenübiy yalısında yerleşe. 60 biñ gektar meydanlığındaki bu regionda 26 mesken yer bar ve 52 biñge yaqın adam yaşay. Regionğa territoriyanı rekreatsıon-agrar-sanayı menimsev çeşiti has. Regiondaki sanayı müessiseler, naqliyat ve mesken-kommunal hocalığınıñ faaliyeti etraf içün telüke menbaları sayılır.
‘Magnitskiy Aktı misalinde qanunı olğan ülkeler’ haritası içün malümat
Magnitskiy Aktı (Sergey Magnitskiy adına qanun üstünligi ve esap bere bilmelik Aktı) -2012 senesi AQŞ tarafından qabul oluna. Qanun qatil, şiddet ve insan haqlarınıñ diger qaba bozuluvına alãqası olğan insanlarğa qarşı şahsiy sanktsıyalar kirsetilmesini közde tuta.
Eñ başında qanun tek rusiye ve rus memurlarınıñ 5.4 milliard rublelik qabarcılıq shemasını meydanğa çıqarğan Sergey Magnitskiyniñ 2008 senesi ‘Matros süküti’(‘Matroska tışa’) ceza hücresinde ölüminen bağlı insanlarğa darqala edi. 2016 senesi Senat qanun dairelerini kenişletti- İnsan haqları sahasında esap bere bilmelik haqqında global Magnitskiy Aktı
AQŞ izinden diger ülkeler de Magnitskiy Aktı misalinde öz qanunlarını qabul etmege başladılar. Bazı ülkeler ise bar olğan qanunlarına belli maddeler qoştılar. Bu esnas devam etmekte.
2021 senesi QRM işğal etilgen Qırımda insan haqlarını bozuvında qabaatlı olğan 50 şahıstan ibaret cedvelni hazırlap, onı Magnitskiy Aktı misalinde qanunları olğan ülkelerge teslim etip, şu şahıslarnı sanktsıya cedvellerine kirsetmege rica etti.
Tafsilãtlı malümatnı körmek içün ülkeniñ renkli resimine bas
- Sürgünlikni resmiy şekilde genotsid olaraq tanığan ülkelerSürgünlikni genotsıd olaraq resmiy tanığan devletler
- 1944 senesi qırımtatar sürgünligini resmiy olaraq genotsid olğanını tanımaları içün QRM ile muzakerede bulunğan devletler
- Devletni saylağan soñ, o, mavı tüsnen qayd olunacaq
Latviya
2019 senesi 5 aprel künü, QRM ofisinde Ukrainada Latviya Elçiliginiñ ekinci kãtibi ve Latviya ÇİN ekinci kãtibi ile körüşüv olıp keçti
‘Sürgünlikni genotsıd olaraq tanılmasına dair dünya haritası’ içün malümat
Umumiy malümat: 2019 senesinden berli Qırımtatar resurs merkezi 1944 senesi Qırımtatar sürgünligini genotsıd olaraq tanılması içün faal çalışmaqta. 2020 senesi 2 iyün künü UYŞ Birleşken Milletler Teşkilãtı (OON), Avropa Parlamenti, Avropa Keñeşi Parlament Assambleyası, OBSYE Parlament Assambleyası, NATO Parlament Assambleyası, OÇES Parlament Assambleyası, dünya devletleriniñ hükümetlerine 1944 senesi Qırımtatar sürgünligini genotsıd olaraq tanılmasına çağıruv bulundırğan muracaat qararını qabul etken edi. Bugünde-bugün Ukrainadan ğayrı daha 3 ülke Sürgünlikni genotsıd olaraq tanıdı. Daha 40 ülke ile bu sahada işler alıp barılmaqta. Her devletniñ hükümetine nevbetteki vesiqalar yollanıla:
QRM Sürgünlikni genotsıd olaraq tanılmasına dair muracaat mektübi;
Qırımtatar Milliy Meclisiniñ Sürgünlikni genotsıd olaraq tanılmasına dair muracaat mektübi;
UYŞ-nıñ Birleşken Milletler Teşkilãtı (OON), Avropa Parlamenti, Avropa Keñeşi Parlament Assambleyası, OBSYE Parlament Assambleyası, NATO Parlament Assambleyası, OÇES Parlament Assambleyası, dünya devletleriniñ hükümetlerine qırımtatar sürgünlik qurbanlarınıñ hatırasını şereflemesine ve Rusiye Federatsıyası tarafından qırımtatar halqınıñ haq ve serbestliklerini bozuvını takbih etmesine dair muracaat haqqında Ukraina Yuqarı Şurası Qararınıñ kopiyası
Qırımtatar sürgünliginiñ tamır halqqa qarşı halqara cinayet olğanına dair QRM ekspertleri tarafından işlep çıqarılğan yuridik ihtisas;
Qırımtatar halqınıñ sürgünligini genotsıd olaraq tanılması haqqıda UYŞ Qararınıñ kopiyası
Sovet birliginiñ qırımtatar halqına qarşı cinayetleri genostıd olaraq tanılması haqqında Litva Cumhuriyeti Seym Rezolütsıyasınıñ kopiyası;
Qırımtatar sürgünliginiñ
75-yıllığınıñ qayd etüvi, Qırım işğalini tanımamaq siyasetiniñ desteklenmesine dair Latviya Cumhuriyeti Seym Qararınıñ kopiyası
Tafsilãtlı malümatnı körmek içün ülkeniñ renkli resimine bas
- ‘Magnitskiy Aktı’ misalinde qanunları olğan devletler
- ‘Magnitskiy Aktı’ misalinde qanun qabul olunması boyunca işler alıp barılğan devletler
- Devletni saylağan soñ, o, mavı tüsnen qayd olunacaq
Latviya
Latviya Cumhuriyetiniñ milliy sanktsıyaları ve halqara sanktsiyalar haqqında Qanun (2016)
2021 senesi 25 noyabrde QRM körüşüv devamında Latviya elçiliginiñ temsilcilerine mektüp teslim etti.