Bazarertesi künü, oraq ayınıñ 6-nda, saat 11:00-da Ukrayina buhran media merkezinde (UBMM) qırımtatar resurs merkezinen beraberlikte “Ukrpoşta” AT tarafından yaratılğan “Öz markası” leyhasınıñ yañı pul levhasınıñ taqdim merasimi ötkerilecek. Yañı poçta sanı Qırımnıñ vaqtınca işğaline qarşılıq kösterüvge, yarımadanıñ serbestligi ve sakinleriniñ qaviyligi oğrunda küreşke bağışlanğan.
Tedbirde timsal levhası, onıñ timsalleri ve Qırımtatar Resurs Merkezi tarafından #LiberateCrimea areketiniñ faalcilerinen birlikte Andriy Yermolenkonıñ plakatları esasında işlep çıqarılğan ğayesi taqdim etilecek. Poçta sanı vaqtınca işğal etilgen Qırımnı hatırlatmaq, onıñ işğalden azat etilmesi içün küreşke qol tutmaq ve yarımadada insan aqlarınıñ bozuluvlarına Ukrayin ve halqara toplulıqnıñ diqqatını celp etmek içün azırlanıla. “Qırımda başlandı – Qırımda bitecek!” sanınıñ esas ğayesi.
Spikerler:
– İğor Smilânskıy – “Ukrpoşta” AT baş müdiri;
– Eskender Bariyev – Qırımtatar Resurs Merkeziniñ İdare Reisi, Qırımtatar Milliy Meclisiniñ azası;
– Andriy Yermolenko – ressam, arbiy hızmetçi;
– Ahtem Seytablayev – rejissör, aktör, “Qırım evi”niñ yolbaşçısı, arbiy hızmetçi.
Ötkerici:
– Valentına Manjula – Qırımtatar Resurs Merkeziniñ kommunikatsiyalar meneceri.
Tedbir vaqtında iştirakçiler poçta neşiriniñ yaratılması, onıñ bediiy ve içtimaiy emiyeti, em de Qırımnıñ rusiye işğaline qarşılıq kösterüv ve onıñ qaytarıluvı içün küreş mevzusını desteklegen medeniy teşebbüslerniñ emiyeti aqqında ikâye etecekler.
Çıqışlardan soñ yañı poçta markalarınıñ resmiyleştirilüv merasimi keçirilecek.
Tedbir çerçivesinde kütleviy haber vastalarınıñ temsilcileri spikerlerge sualler bermege imkânı olacaq.
Tedbirniñ yayınlavı Qırımtatar Resurs Merkeziniñ Facebook saifesinde de olacaq.
Akredıtatsiya ve qoşma malümat içün muracaatlar:
067 343 74 54