Salı künü, ilk yaz ayınıñ 30-nda, saat 10:30 Qırımtatar Resurs Merkezi Ukrayin buhran media-merkezinde (UBMM) “Qırım qadınları işğal şaraitinde: basqılar ve küreş” mevzusında matbuat konferentsiyasını keçirecek.
rusiye federatsiyası vaqtınca işğal etilgen Qırımda qadınlarnı taqip etmege devam ete. Siyasiy sebepli cinaiy davalar, qanunsız tutuvlar, apishanelerde tutuvlar, ğıyabiy apisler ve halqara taqip mehanizmleriniñ qullanuvı işğal akimiyetiniñ işğalni açıqtan-açıq red etkenlerge qarşı repressiv siyasetiniñ bir qısmı oldı.
Matbuat konferentsiyası vaqtında işğal şaraitinde Qırım qadınlarnıñ vaziyeti, siyasiy taqiplerniñ miqyası ve ilerideki halqara cevap ve uquqçılıq işi içün bu cinayetlerniñ qayd etilmesiniñ emiyeti aqqında aktual malümat taqdim etilecek.
Spikerler:
Zarema Bariyeva – Qırımtatar Resurs Merkeziniñ meneceri;
Lenya Umerova – sabıq Qırım siyasiy mabüsi;
Gülsum Halilova – jurnalist;
Olena Yağupova “Serbest arbiyolmağanlar” teşkilâtınıñ tesisçisi.
Petro Yatsenko – Arbiy esirlerge munasebet meseleleri boyunca Koordinatsiya ştabınıñ vekili.
Moderator: Tetâna Savçuk – QRM-niñ kommunikatsiyalar meneceri.
Tedbirde aşağıdaki sualler muzakere etilecek:
– işğal etilgen Qırımda qadınlarnıñ taqip etilüvi: aktual statistika, tendentsiyalar ve insan aqlarınıñ bozuluvlarını belgilegen müimlik;
– şahsiy ikâyeleri – qanunsız taqip ve rusiye apishanesinde bulunma tecribesi;
– ️ işğalge qarşı tirenüvde Qırım qadınlarınıñ rolü: uquq qoruyıcılar, jurnalistler, cemaat faalcileri ve grajdan cemiyetiniñ diger vekilleriniñ faaliyeti;
– ️ rusiyeniñ farqlı taqip mehanizmleriniñ qullanuvı, hususan ğıyabiy apis cezaları, cinaiy davalar ve halqara qıdıruv aletleri.
– Tarih: 2026 senesiniñ ilk yaz ayınıñ 30-ıncı künü
– Saat: 10:30
– Yer: UBMM (Hreşçatik, 2)
Matbuat vastaları, uquq qorçalayıcılar ve meraqlanğanlarnı davet etemiz.
Talil materialları Azatlıq içün Fridrih Naumann Fondunüñ Ukrayinada Temsilciliginiñ desteginen azırlandı.