Qırımtatar Maaliy Merkezi

Mültimedia

Bariyev ‘Tamır halqlar haqqında’ Ukraina qanunını qabul etmek zarurlığını hatırlattı

26.03.2021

Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev  ‘UA:Крим’ kanalına bergen intervyusinde qayd etkenine köre,  7 yıl evel Yuqarı Şurası qırımtatarlarnı tamır halq olaraq tanısa da , Ukrainada hãla daha ‘Tamır halqlar haqqında’ esas qanun qabul etilmedi.

‘Bu künge qadar diger meselelerni idare etken esas ‘Tamır halqlar haqqında’ qanun yoq. Ebet, bizim tamır halqımız bar, amma Ukraina tamır halqı kim olğanı resmiy şekilde qanun seviyesinde añlatılmağan,’- izaat etti Bariyev.

Ekspert qayd etkenine köre, Ukraina bugün cenk vaziyetinde, tamır halqnıñ territoriyası işğal altında bulunğanını közge alsaq, strategiya ve deokkupatsıya mevamından mezkür mesele çezilgeni pek mühimdir.