“Serbest arbiyolmağanlar” teşkilâtınıñ tesisçisi Olena Yağupova ilk yaz ayıniñ 30-nda Ukraiyn buhran media merkezinde “İşğal şaraitinde Qırım qadınları: basqılar ve küreş” matbuat konferentsiyasınıñ spikerlerinden biri oldı. O, qanunsız esirlikniñ öz tarihını paylaştı, Ukraiyn grajdanlarınıñ rusiye esirliginde tutuluv şaraiti, azat etilgen soñ qarşılaşqan qıyınlıqlar aqqında tarif etti, em de Ukraiyn grajdan rehineleriniñ qaytarıluvı içün küreşte qadınlarnıñ müim rolüni qayd etti.
Olena Yağupova, işğal vaqtında devlet hızmetçisi ve Ukraiyna Silâlı quvetleriniñ arbiy hızmetçisiniñ apayı olğanını ayttı. Onıñ aytqanına köre, bu sebepten rusiye quvetçileri tarafından taqip etildi.
“Men mında satqınlıqnı körmeyim, çünki olar menim evime, menim toprağıma keldi. Men satqın degil edim. Olarnıñ noqta-i nazarından men rusiyege satqınlıq ettim, amma men evimde edim. Yani bizim baqışlarımız farqlı”, – Olena Yağupova dep qayd etti.
Uquq qoruyıcılarnıñ aytqanına köre, işğalciler oña qarşı “ekstremizmde” qabaatlap, cinaiy dava açtılar. Qabaatlavlar sahte delillerge esaslanıp yapılğan edi, apiske alınğanda ise silâ ve videolar qullanılğan edi, o qayd etti.
“Serbest arbiyolmağanlar” teşkilâtınıñ tesisçisi qadınlarnıñ apishanelerde tutuluv şaraitine diqqat ayırdı, olar hususan zayıf kategoriya olıp qala, dep qayd etti.
“Men SİZO yolbaşçısına muracaat etkenimni yahşı hatırlayım: “Apaylar içün gigiyena malzemelerini qaydan almaq mümkün?” – “Qaydan isteysin, al”, – dep cevap berdi.
Olena Yağupova qayd etkenine köre, onıñ ayatını saqlap qalmasına cemiyet ve halqara kütleviy haber yardımı qol tuttı.
“Menim içün bu, ayatımnı qurtarğan bir şey edi. Bu faş olmasa edi, men mında oturmaz edim. Vaziyet lager tışında belli olsa ve başqa bir memleketke yetse, bizni azat eteler”, – dedi o.
Öz çıqışını yekünlep, Alena Yağupova qanunsız sürgün etilgen Ukraiyna grajdanlarğa halqara diqqatnıñ devamlı olması ve olarnıñ qorantalarına sistematik destekniñ kerekligini qayd etti, çünki olarnıñ azat etilmesi içün küreşte açıqlıq ve birdemlik müim ola bile.