Qırımtatar tili tercimanı ve tilşınası Ruslan Matuşevskiy qırımtatar tilini A1-A2 seviyede ögrenmek içün “Beşsalqım Bey” yañı interaktiv iş kitabını taqdim etti.
Müellifniñ aytqanına köre, yañı oquv materialı siir, aynecilik, zenginlik ve maceranıñ birleşken halq masal-triller formatında qurulğan. İş kitabı tilni “quru qaideler” degil de, süjetke ve ameliyatqa daluv ile ögrenmege yardım ete.
İçinde 31 saifelik malümat bar, şu cümleden:
- qırımtatar tiliniñ kelecek zamannıñ añlatılması
- er bir metin qısım ögünde mevzulı luğatlar
- Wordwall’da qarşılıqlı vazifelernen QR kodları
- ögrenüvler, testler ve öz-özüni teşkerüv içün anahtarları
“Biz tilni, zenginlik, aynecilik, hainlik, siir ve atta devlerniñ başları çıqarılğan masalğa dalıp ögrenecekmiz”, – Ruslan Matuşevskiy dep qayd etti.
Bundan da ğayrı, A1 seviyesinde başlanğıçlar içün yaratılğan “Aqıllı kirpi” adlı ilk derslik aqqında hatırlatamız. Material, ikmetli kirpi aqqında halq masalı etrafında qurulğan ve qırımtatar tilini mustaqil ögrenmek içün uyğunlaştırılğan metin, talimler, resimler ve interaktiv vazifelernen azırlanğan.
İş kitaplarını mında satın almaq mümkün ️ https://surl.li/hqroqd