Qırımtatar Resurs Merkeziniñ İdare reisi ve Qırımtatar Milliy Meclisiniñ azası Eskender Bariyev, Ukrayina Nazirler Kabinetiniñ № 303 emiri – Qırımtatar Milliy Meclisi tamır halqnıñ vekillik organınıñ uquqiy statusını pekitüv aqqında, resmiy derc etilgen soñ, deral Kıyiv bölge memuriy makemesinde № 320/43772/24 işi –
Ukrayina ükümeti tarafından Meclisniñ qayd oluvını sozma aqqında, makeme vekili professor Boris Babinnen beraber öz davasını keri aldı.
“Aytıldı — etildi.
Ukrayina Nazirler Kabinetiniñ emiri resmiy sürette derc etilgen soñ, № 303 emiri – Qırımtatar Milliy Meclisi tamır halqnıñ vekillik organınıñ uquqiy statusını pekitüv aqqında, men ve makeme vekilim professor Boris Babin, bergen vademe köre, Kıyiv bölge memuriy makemesinde № 320/43772/24 işi –
Ukrayina ükümeti tarafından Meclisniñ qayd oluvını sozma aqqında, menim davamnı keri aldıq”, — Eskender Bariyev qayd etti.
QRM idaresiniñ reisi bütün añlı ömürini Ukrayina qanun üstünligi ile idare etilgen Avropa demokratik devleti olmasına bağışladı.
«Menim Ükümetke qarşı makeme davasım siyasetnen bağlı degil, çünki men ondan PR etmedim. Faqat, halq ögünde er tafsilâtlarnen ayrı makemecilerniñ Qırım sergüzeştleri aqqında öşeklesek, içtimaiy ağlarda layklar toplamaq mümkün edi. Menim davam diger bir şey aqqında ola edi, yani ükümetniñ dört tarmağı olğanı, qanun üstünligi idare etken er bir demokratik devlette uquqiy mehanizmler aqqında ola edi. Eger icra akimiyeti qanunlarnı ömürge keçirmese, demek, mustaqil makeme buña yardım etmeli. Kerçekten, bu bizim devletimizde daa pek zayıf noqtadır, bu saada daa çoq iş kerek”, — uquq qorçalayıcı qayd etti.
Onıñ aytqanına köre, bu mesele resmiyetçilik degil, mesüliyet aqqında. Devlet bizge bir adım atsa, biz bunı qabul etip vicdanlı areket etmek kerekmiz.
Bundan ğayrı, çoq sayılı davalarnı keri almağa ricalarına ve çeşit türlü basımlarğa, men ve menim vekilim, qanun kefaletlerim olmağance, davanı keri almaycağımnı ayttıq, çünki siyasiy vadeler daima tesirli degil.
Daa, men de ükümetniñ resmiy emiri peyda olmağance, davasını memuriy makemeden çekip alıp olamadım, çünki Avropa İnsan Uquqları Makemesi tecavuzcığa qarşı Meclisniñ yasaq etilmesi, onıñ azaları, Qurultay ve yerli meclisni mesülleri taqip etilmesinen bağlı bütün bir sıra işlerni baqıp çıqa. rusiyege qarşı bu işlerde, şimdi pek qısqa ve muqaytlıqnen aytıp olam, Avropa Makemesi Meclisniñ subyektligi meselesini köterdi, onıñ Ukraнina tarafından qanunileştirilmegeni belli bir sınavlar yarattı. Şimdi bu mesele tam olaraq çetke çekildi ve bu işlerge menfaatlı taraf olaraq kirgen Ukrayina tecavuzcınıñ qırımtatarlarnıñ öz-özüni idare organlarına qarşı etken repressiyaları aqqında çoq şey aytıp olur, ve uquqiy ceetten qaviy mevamdan, men eminim», — Bariyev qayd etti.
Onıñ davası öz-özünden bir maqsat degil edi. Bu, çoqtan beklenilgen bir ceryannı köçürmek ve bizim memleketimizniñ qanun memleketi olğanını, Ukraina qanunlarını elnen yerine ketirmek olmağanını köstermek içün qanun aleti edi. Eger bu alet öz vazifesini becergen olsa, demek, onıñ vazifesi eda etilgen.
“Men er vaqıt aytqan edim: bizim vazifemiz qarşılaşuv içün qarşılaşuv degil, neticedir. Bugün ise, muayyen netice bar – devlet Qırımtatar Milliy Meclisiniñ tamır halqnıñ temsil organı olaraq uquqiy statusını belgiledi”, — QRMniñ İdare reisi qayd etti.
Eskender Bariyev Ukrayina Prezidenti Volodımır Zelenskiyge Konstitutsiyanıñ garantı olaraq teşekkür bildirdi, Ukrayina Prezidentiniñ İdareniñ müdiri Kırılo Budanovğa, o tek semereli hafiyelik hadimleri degil de, uzaqtan körgen, endi bugün ukrayin devletçiliginiñ turğun inkişafına isse qoşasiyasetçi olğanına emin oldı, aynı vaqıtta bu saadan mesül olğan Ukrayina Prezidentiniñ Kabinetiniñ müdiriniñ muavini Olena Kovalskağa, Qırımtatar halqınıñ aq-uquqlarını kerçekleştirüv meselesini sistematik şekilde qol tutqan Ukrayina Yuqarı Şurası Reisi Ruslan Stefançukqa ve Ukrayina Yuqarı Şurası Reis muavini Oleksandr Korniyenkoğa, Ukrayinanıñ etnosiyasetini izçenliknen ömürge keçirmege tırışqan Viktor Yelenskiy, ve tamır halqlar ve milliy azlıqlar (cemiyetler) teşkilâtları bu mesele boyunca teşviqat destegi içün «Ukrayina milliy cemiyetleri şurası 2025» Cemaat birligi em de bu meseleni kötergen, şu cümleden ilmiy maqalelerni yazğan da, daa çoq adamğa teşekkür bildirdi.
Bu qararnen biz tamır halqlarnıñ müşterek uquqlarını qorçalavı, qırımtatar tili, medeniyeti, qırımtatar tilinde tasil, tamır halqlarnıñ matbuatı (TV kanalları, radio ve ilâhre) inkişafı, tamır halqlarnıñ matbuatı (TV kanalları, radio ve ilâhre) meselesini, qırımtatarlarnıñ vekil institutleşuvı, topraq meselelerini çezüv», — o qayd etti. Bu müim adımdır. Şimdiki künlerde bir çoq qırımtatarlar quvançnı duyalar, çünki yıllar devamında bu mesele pek keskin edi.
Eskender Bariyev, evelki sözlerine köre, ayrıca qayd etti: ömürge keçirüvi ögde.
Ögümizde daa çoq ağır iş bar, bu çezimni em memuriy, em de uquqiy mütehassıslıqnıñ yüksek seviyelerini talap etecek, aqiqiy mehanizmler, vazifeleri ve kefaletlernen toldurmaq kerek.
«Biz toqtamaymız. Qırımtatar halqınıñ aq-uquqları tek tanılmasın, em de semereli qorçalanması içün çalışmağa devam etemiz. Ukrayina öz itibarini halqara seviyede pekitti ve dünyanıñ bir çoq memleketleri içün nümüne oldı.
Men öz sözümni tutam ve men küreşni devam etem.
Meni qoltutuvıñız içün er keske teşekkür bildirem», — QRMnıñ İdare reisi dep netice çıqardı.