Qırımnıñ suv menbaları em de yarımadanıñ ekologik vaziyeti ayrı diqqatqa lâyıqtır. Qırım suv ile temin olunuvınıñ hususiyetleri olaraq belgilene: ealiniñ artması neticesinde suv menbalarınıñ alına tesir etken antropogen tazıyığı, militarizatsiya ve arbiy-sanayı ihtiyaclarına etilgen suv masrafı, iklim deñişmeleri.
Bu mesele 2020 senesiniñ qurğaq yazından soñ özüne ayrı diqqat celp etip başladı. Şu zaman QMV-de (kütleviy malümat vastalarında) suv yetişmemezliginiñ, hususan kommunal ve yaşayış ihtiyacları içün, kergin vaziyeti aqqında malümatlar peyda olıp başladı. Bu suv yetişmemezligi ne derece regionda suvlarnıñ obyektiv azlaşmasınen bağlı ve ne derecede ise arbiy, sanayı ihtiyacları içün suv işletüvi kölemleriniñ artmasına ve, işğaldan soñ vira çoqlaşqan ealiniñ miqdarına bağlıdır.
Analitik tetqiqatnıñ maqsadı – bu yoldaşnıñ (sputnikniñ) çıqarğan malümatları ve açıq informatsion menbaları esasında yarımadanıñ suv ile temin etilüv vaziyetniñ kösterüvi, em de, sıq añılğan iklim deñişmeleri ve Şimal Qırım kanalından suv ile temin etilüvi toqtatuluvından ğayrı, Qırım yarımadasınıñ suv muvazenetine tesir etken diger olucı faktorlarınıñ araştıruvıdır.