Ukrayina Yuqarı Şurasınıñ insan aqları vekâletlisi Dmıtro Lubinets, Qırım siyasiy mabüsi Tofik Abdülgaziyevniñ ağır sağlıq vaziyeti sebebinden Türkiye ombudsmenine muracaat etti.
Lubinetsniñ aytqanına köre, Ukrayina, rusiyeniñ qanunsız alda tutqan bütün Qırım siyasiy mabüsleriniñ, hususan tış dünyanen bağsız qalğanlarnıñ qaytarıluvı içün çalışmağa devam ete. Qırımtatar siyasiy mabüsleriniñ soyadları, Ukrayina tarafından aracılar memleketlerine berilgen grajdan reineleriniñ umumiy cedvellerine kirsetilgen.
“Bizim, menimce, bu kategoriyağa muntazam surette işkencege oğratqan davalarımız bar. “Bazılarımız rusiye apishanelerinde tibbiy yardım kösterilmegeni içün vefat etti”, – dedi ombudsmen.
Bundan ğayrı, Tofik Abdulğaziyevniñ davası aqqında Türkiye ombudsmenine muracaat etti ve cevap bekley, Dmıtro Lubinets bildirdi.
Tofik Abdulgaziyev – Qırım siyasiy mabüsi, “Qırım birdemligi” cemaat birleşmesiniñ faalci, 2019 senesi saban ayınıñ 27-nde qırımtatarlarnıñ evlerinde keçirilgen tintüvlerniñ eñ büyük dalğası vaqtında rusiye işğalci tarafından tutulğan edi. O, “Hizb ut-Tahrir” teşkilâtında iştirak etkeni içün uydurılğan dava boyunca maküm etildi.
2024 senesi siyasiy mabüsniñ sağlıq vaziyeti fenalaştı. rusiye apishanesiniñ hastahanesinde bulunğanda, oña bir sıra ağır hastalıqlar, soñra ise – beyinde yaman tabiatlı şişik diagnozı qoyuldı. Sağlığı kritik olğanına baqmadan, Abdulgaziyev qanunsız alda apiste tutula.