Vaqtınca işğal etilgen Qırımnıñ arbiy obyektlerine, energetik ve naqliyat infrastrukturalarına sistematik darbeler, yarımadada rusiye ordusınıñ imkânlarına büyük tesir ete. Bunı RBK-Ukrayina intervyüsında Qırımtatar Resurs Merkeziniñ İdare Reisi, Qırımtatar Milliy Meclisiniñ azası Eskender Bariyev bildirdi.
Onıñ aytqanına köre, rusiye ordusı içün vaziyet kerginleşkeniniñ alâmetleri arasında Qırım territoriyasında tehnikanıñ areketiniñ eksilüvi de bar, bu ise yaqıt teminlevinen bağlı meselelerni köstere bile. Bundan da ğayrı, rusiye tarafı ukrayin uçaqlarınıñ ücümlerine qarşılıq köstermege qıyınlaşa ve yarımadanıñ ğarbiy yalısında mudafaa tedbirlerini quvetleştire.
“Qırım, olarğa er vaqıt tabiiy kreyseri dep aytqan ediler, şimdi tabiiy qazanına çevirildi aytıp olamız“, – dedi Bariyev.
Onıñ qayd etkenine köre, esas mesele alâ daa logistikadır. Onıñ aytqanına köre, ukrayin quvetleri Qırımnıñ şimalindeki esas naqliyat yollarından areketni bayağı sıñırladı, rusiye tarafı ise alternativ keçitlerni qullanmağa mecbur.
“Eger de logistika bütünley toqtatılsa, rusiyeniñ Qırım territoriyasında arttıracaq arbiy küçleri qazağa oğraycaq. Yaqarlıq, elektrik teminlevi ve kerekli teminlev olmadan olar arbiy vazifelerini eda etip olamaycaqlar”, – Bariyev dep qayd etti.
Bariyev energiya teminlevi ve naqliyat alâqası meselelerine diqqat çekti. Onıñ aytqanına köre, ücümler tek stantsiyalarğa degil de, elektrik stantsiyalarınıñ işini temin etken gaz tarqatuv infrastrukturalarına da tesir etti. Yarımadada demiryol ve yolcu naqliyatınıñ qıyınlıqları da qayd etile.
QRM-niñ İdare Reisiniñ aytqanına köre, telükesizlik vaziyetiniñ aqibetleri vatandaşlarğa tesir ete. O, işğalci memuriyetniñ balalar içün raatlıq lagerleriniñ qapatıluvı aqqında qararını misal olaraq ketirdi, bu ise region içün emiyetli iqtisadiy aqibetlerge yol aça bile.
“Biz endi, turistik mevsiminiñ bütünley bozulğanını ayta bilemiz”, – uquq qoruyıcı dep yekünledi.