İşğal menbalarınıñ malümatına köre, Aqmescitniñ 50 yaşındaki sakini 2025 senesi qara qış ayında Aqyarğa kelip, 1,4 kg patlayıcı madde ve patlayıcı cihaznı alıp, olarnı başqa yerge avuştırdı ve koordinatlarnı berdi.
İşğal quvet strukturaları, aqay “devlet satqınlğı”nda ve patlayıcı maddelerniñ qanunsız saqlanuvında qabaatlandı, dep bildirdi. Davanı vaqtınca işğal etilgen Qırımda rusiye idare etken makeme baqqan edi.
Neticede, 17 yıl sert rejimli koloniyada apis cezası. Öyle davalarda kibi, taqiqatnıñ tafsilâtları ve deliller açıq degil, dava qapalı şekilde keçti ve adaletli makeme kefaletleri yoq edi.
Böyle cezalar işğal altındaki yarımadada siyasiy sebeplerden yapılğan taqiplerniñ sistematik ameliyatınıñ bir parçasıdır. Qırımnıñ rusiyege boysunğan makemeleri “devlet satqınlığı” ve “casuslıq” qabaatlavlarını sıq-sıq yerli ealige basqı ve qorquzuv aleti olaraq qullanalar, Qırımtatar Resurs Merkezi qayd ete.