İlk yaz ayınıñ 15-ne keçer gecesi Kıyivge qarşı yapılğan daa bir rusiye ücümi vaqtında Kıyiv-Peçersk lavrasınıñ Uspenskıy kilsesi zarar kördi. Ücüm neticesinde Ukrayina ve dünyanıñ eñ müim hristian ibadethanelerinden biriniñ damı yandı. Bu aqqında Ukrayina Pravoslav kilsesiniñ başı, Kıyiv ve bütün Ukrayina mitropoliti Epifaniy öz muracaatında bildirdi.
“rusiye tarafından yapılğan ücüm neticesinde hristian dünyasınıñ eñ muqaddes yerlerinden biriniñ – Kıyivde Peçersk lavrasınıñ Uspenskıy kilsesiniñ damı yandı. Muqaddesniñ yoq etilmesinden qurtulması içün ibadet etmege rica etemiz”, – metropolit Epifaniy dep yazdı.
Ukrayina Pravoslav kilsesiniñ başı, ücümni “rusiyeniñ insanlıqqa, tarihqa, hristianlıqqa qarşı yapqan daa bir cinayeti” dep adlandırdı ve halqara toplulıqnı Ukrayinağa qarşı rusiye terrorını toqtatmaq içün areket etmege çağırdı.
Qırımtatar Resurs Merkezi, devletimizniñ hristian aziz yerlerine ve medeniy-tarihiy mirasına yapılğan daa bir basqı sebebinden bütün Ukrayina hristianlarına qol tutqanını bildire. Kyiv-Peçersk lavrına ücüm – hristian dünyasınıñ eñ müim muqaddes yerlerinden birine ücümdir. Biz halqara toplulıqnı rusiye tecavuzınıñ bu areketini takbih etmege çağıramız.