Qırımtatar Resurs Merkeziniñ İdare Reisi, Qırımtatar Milliy Meclisiniñ azası Eskender Bariyev, vaqtınca işğal etilgen Qırımda yaqıt vaziyeti kritik ve bütün yarımadanı qaplap ala – “Suspilne Haberler” neşirine bergen izaatında bildirdi.
“Elbette, anda vaziyet kergin. Birinciden, Qırımda eñ çoq bir yarım ayğa yetecek yaqıt qalğanı aqqında ilk malümat bar. Buña baqmadan, nevbetler uzun, ve insanlar er saba benzin almaq içün nevbette turalar. Ve bir qolğa 20 litrge qadar yaqıt bereler. Bundan da ğayrı, bir çoq şeer ve qasabalarda kündüz yaqarlıq yoq.
Yaqarlıq meseleleri bütün Qırımda qayd etile. İlk evelâ Aqyarda, Aqmescitte, Aqmescit rayonında, merkeziy ve şimaliy Qırım territoriyasında büyük meseleler bar. Mında bütün logistika sisteması eki şirketni yaqıtnen temin etkenini ayta bilemiz – TES ve ATAN”, – Bariyev dep qayd etti.
O, yaqıt buhranınıñ iqtisadiyatqa ve kurort mevsimine tesirine diqqat çekti.
“Yaqarlıq qıtlığı aqqında aytsaq, bu tek maşnalarnen ketkenler aqqında degil. Mında aşayt, mal ve hızmetlerniñ fiyatları köterile. Ve bu Qırım bütün esnaslarına tesir ete, Qırım iqtisadiyatı ise kurort mevsiminen bağlıdır”, – Qırımtatar Resurs Merkeziniñ İdare Reisi dep qayd etti.
Aynı zamanda, telükesizlik telükelerine baqmadan, turistlerniñ bir qısmı Qırımğa barmağa devam ete, işğal akimiyeti ise istekni qozğala – o qayd etti.
Olar er şeyni etmege tırışalar, bütün şifahanelerni toldurmaq içün fiyatlarnı bile tüşüreler. Raatlanıcılarnı celp etmek içün raatlıq kampaniyaları faal çalışa”, – uquq qorçalayıcısı dep qayd etti.