Dostlar, Ukrayinanıñ tamır halqları kim olğanı aqqında munaqaşalar devam eteler. Qırımtatar Resurs Merkezi bu meseleni daa bir kere añlatmağa qarar berdi, faktlarğa esaslanıp.
Tamır halqlar kimlerdir?
Tamır halqlar, şu topraqlarda tarihiy olaraq şekillengen avtohton (yani, bu topraqlarda şekillengen) etnik toplulıqlardır:
Olarnıñ öz devleti yoq;
Özlerini tamır halqı olaraq tanıtıp, medeniyetlerini saqlamağa tırışalar;
Yaşağan toprağınen teren tarihiy bağları bar;
Memleket ealisinde etnik azlıqnı teşkil eteler.
Ukrayinada bu halqlar arasında qırımtatarlar, qaraylar ve qırımçaqlar bar, çünki olar Qırım territoriyasında şekillendi ve onıñ başqa Vatanı yoq.
2021 senesiniñ oraq ayınıñ 23-nde Ukrayina Yuqarı Şurası “Ukrayinanıñ tamır halqları aqqında” qanunnı qabul etti, o, yuqarıda qayd etilgen halqlar içün bu statusnı qanuniy olaraq pekitti.
Ukrayinler kimler?
Ukrayinler – bu unvan milleti, yani öz devletini qurğan “Ukrayina” halqıdır. Halqara tarifine köre, unvan milleti tamır halq olamaz.
Yunanlar, lehler, romenler ya da başqa bir halq aqqında ne aytmaq mümkün?
Ukrayinada yaşağan böyle halqlarnıñ vekilleri milliy azlıqlarğa ait, çünki olarnıñ öz devletleri bar. Ukrayina territoriyasında tarihiy bulunuvına baqmadan, olar qanunğa köre tamır halq kriteriylerine uymaylar.
Bu mevzu müimdir, çünki tamır halqlarnıñ statusını añlamaq olarnıñ aqlarını qorçalamağa ve unikal medeniyetlerini saqlamağa yardım ete, hususan rusiye-Ukrayina cenki şaraitinde. Şimdi sizge añlayışlı olğanını ümüt etemiz!
İsveç ve Norvegiya ükümetleri yardımınen “Askold ve Dir” Fondu çerçivesinde teşkil etilgen, ІСАР Birliginiñ idare etilüvnen teşkil etilgen.