On eki yıldan evel, 2014 senesi qural ayınıñ 30-nda, işğal etilgen Qırımda “Ukrayina evi”niñ faalci Seyran Zinedinov ğayıp oldı. Onıñ bulunğan yeri alâ daa belli degil.
O, daa evelde ğayıp olğan Timur Şaymardanov ve Leonid Korjnı qıdırğan edi. 2014 senesi qural ayınıñ 30-nda aqşam Seyran Zinedinov Timur Şaymardanovnıñ apayınen körüşti ve Timur “Qırım samooboronası” yanında olğanını tahmin etti, amma körüşüvden soñ evge qaytmadı.
İşğal etilgen Qırımda ve qıtaiy Ukrayinada ğayıp oluvı sebebinden cinaiy işler açıldı.
“Qırım Cumhuriyetinde rusiye federatsiyasınıñ Tahqiqat komitetiniñ baş tahqiqat idaresi” degen rusiye Ceza Kodeksiniñ 105-inci maddesiniñ 1-inci qısmına köre cinayet davanı açqan. Faqat “tahqiqat” iç bir netice bermedi.