Qırımtatar Resurs Merkeziniñ İdare Reisi, Qırımtatar Milliy Meclisiniñ azası Eskender Bariyev bildire: rusiye federatsiyasınıñ akimiyetni tenqit etkeni içün grajdanlarnıñ mülkiyetini apishanege aluv aqqında yañı qanun, işğal memuriyeti Qırımda yıllar devamında qullanğan “milliyleştirüv” şeklinde hırsızlav ameliyatını resmiy şekilde pekite. Onıñ hatırlatqanına köre, yarımada işğal etilgen soñ Aqmescitte Meclis binasınıñ zapt etilüvi ve berilüvi ilk böyle vaqialardan biri oldı.
rusiye-Ukrayina cenkiniñ 13-ünci yılında rf devlet duması, rusiye akimiyeti devlet menfaatlarına qarşı areketler olaraq tanığan memuriy bozuvlar yapılğan taqdirde, çetelde bulunğan rusiye grajdanlarınıñ mal-mülküni tevqif etmege imkân bergen qanunnı qabul ete.
Niayet, terrorist devletniñ öz grajdanlarına ve işğal etilgen topraqlarda yaşağan Ukrayina grajdanlarına nisbeten yıllar devamında yapqanları şimdi resmiy şekilde “qanuniyleştirilecek”. Kimse içün sır degil ki, rusiyeliler işğalniñ ilk künlerinden başlap Qırımda Ukrayina grajdanlarınıñ mülkiyetini milliyleştirüv adı altında hırsızlavnen oğraşa ediler”, – Eskender Bariyev dep qayd etti.
Onıñ aytqanına köre, bunıñ sebebi em rusiye iqtisadiyatında olğan büyük meseleler, em de rusiye prezidentiniñ rusiye tecavuzına qarşı alıp barğan siyasetiniñ tenqidi ve “SVO”nıñ muvafaqiyetsizliginiñ tenqiti.
Uquq qorçalayıcısı, qabul etilgen qanunğa köre, memleket tışında kreml siyasetine qarşı çıqqan ya da rusiyeniñ belli memuriy maddelerine köre areket etken “rusiye grajdanlarınıñ” bank esapları, paraları ve diger mülkiyetine tevqif etile bile, dep qoştı. Elbette, er şey işğal etilgen Qırımda qırımlılarğa da tesir etecek, olar yarımadanı terk etmege mecbur oldılar, amma yarımada rusiye tarafından kontrol etile ve rusiye toprağı olaraq qabul etile.
“Bugün 2026 senesi, 2016 senesi işğalciler tarafından yasaq etilgen qırımtatar halqınıñ temsil organınıñ mülkiyeti, 2014 senesi ilk küz ayında tintüv keçirilgeninden soñ, apishanege alındı ve milliyleştirildi. Aqmescitte Şmidt soqağında 2-nci binada yerleşken Meclis binası, iç bir qanuniy sebepsiz, Aqmescit şeer memuriyetine berildi, o ise anda Alemdar Karamanov adına 140 balalar içün bala muzıka mektebi açmağa qarar berdi. Pek ayneci ve alçaq bir adım, çünki işğalden azat etüvden soñ balalardan binanı alalar dep aytacaqlar”, – dep qayd etti QRM-niñ İdare Reisi.
İşğal etilgen topraqlarda qanunsız mülkniñ zapt etilmesinde iştirak etken er kes areketleri içün cevap berecek, qanunsız alınğan er şey ise qanuniy saiplerine qaytarılacaq – o qayd etti.
Qısqadan aytqanda, halqara uquq qaidelerine köre, istilâcı devlet zararnı tolusınen tölemege mecbur olacaq. Hırsızlanğan er şey qaytarılmağa mecbur olacaq, rusiye grajdanları ise onlarca yıl devamında öz rejiminiñ cinayetleri içün tazminat ödecekler – Eskender Bariyevqayd etti.