İşğal etilgen Qırımda Aqyar 59 yaşındaki İğor Domçenkoğa qarşı Telegramda “tefsirler” sebebinden cinaiy dava açıldı. rusiye nezaretindeki matbuat vastaları, FSB işğalci idaresine atıf etip, aqaynı “ruslarğa qarşı zorbalıq çağıruvlarında” qabaatlaylar, dep bildire.
İşğalcilerniñ versiyasına köre, Ukraina grajdanı, “ekstremist faaliyetine açıq çağıruvlar” olaraq añlatılğan beyanatnı messencerlerniñ biriniñ açıq subetinde qaldırğan eken. Oña qarşı rusiye CK-siniñ 280-inci maddesiniñ 2-nci qısmına boyunca cinaiy dava açıldı.
Bundan da ğayrı, rusiye kütleviy haber vastaları, aqay apishenede bulunğanını köstergen “sorğu” videosını derc etti, anda o afu soray.
İğor Domçenkoğa 5 yılğa qadar apis cezası üküm etile bile.
Hatırlatamız: Qırımtatar Resurs Merkeziniñ 2026 senesiniñ birinci kvartalında işğal etilgen Qırımda insan aqları bozuvlarınıñ taliline köre, bu müddet devamında vaqtınca işğal etilgen Qırımda 17, olardan 2-si tamır qırımtatar halqınıñ vekillerine qarşı, qanunsız yaqalanuv qayd etildi.