Bir yıldam evel vaqtınca işğal etilgen Qırımda 24 yaşındaki Hatice Büyükcan hırsızlanğan. 2025 senesi qural ayınıñ 6-da qız Eski Qırımdan Aqmescitke avtobusnen ketti, bundan soñ onnen munasebet yoq oldı. Onıñ telefonı söndürilgen edi, bulunğan yeri ise eki aydan ziyade belli degil edi.
69 kün keçken soñ, rusiye teşviqat vastaları Hatice Büyükçannıñ yüzü körsetilgen FSB videosını derc etip, onıñ yaqalanğanını bildirdi. Bu sebepten, bütün bu vaqıt devamında qıznı qanunsız alda rusiye mahsus hızmetleriniñ vekilleri tutıp, tış dünya ile bağ qurmay edi, dep tahmin etile.
Olğan malümatqa köre, Haticege izolâtsiya vaqtında ruhiy basqı, qorqutuv ve diger zorlav usulları qullanıla bile edi, rusiye quvet strukturaları işğal etilgen topraqlarda “itiraf şaatlıqları”nı elde etmek ve cinaiy davalarnı uydurmaq içün qullanıla.
Şimdi Qırım sakinine qarşı rf CK-niñ mad. 223.1, 1-nci qısım, mad. 30 1-nci qısmı, mad. 205, 3-nci qısım, mad. 222.1, 3-nci qısım, mad. 275. cinaiy davalar açıldı. Bu uydurılğan qabaatlavlarnen oña ömürlik apis cezası üküm etile bile.
Al-azırda qız rusiyeniñ Rostov vilâyetiniñ Novoçerkassk şeerindeki SİZO-3 GUFSİNinde buluna, anda “devlet satqınlığı ve terakt azırlağanı” içün makeme etile.
Hatice Büyükcan davası, rusiye işğalci akimiyetiniñ Qırımda zorbalıqnen ğayıp etüv, qanunsız tutuv, gizli yerlerde tutuv ve halq ögünde “itiraf” etmege mecbur etüv ile devam etken basqı ameliyatınıñ daa bir delili oldı.