“Diya” qullanımında 1040 ğrıvnâ fiyatlı “Biloğirsk” (Qarasuvbazar) yañı arbiy obligatsiyası peyda oldı. Onıñ kelirliligi yılda 15,5% ve 2027 senesi oraq ayınıñ 21-nde tölenmesi planlaştırıla. Biloğirsk – vaqtınca işğal etilgen Qırımda bir şeer, onıñ tarihiy adı – Qarasuvbazar.
Arbiy obligatsiyalarnıñ satıluvından kelgen paralar Ukrayina Mudafaa quvetleriniñ tehnika, silâ ve arbiylerni temin etüv ihtiyaclarına sarf etile. Aynı zamanda bu yatırımlar memleketniñ iqtisadiyatına yardım ete, hususan, ekim ve ocalarnıñ aylıqları, pensiyalar ve içtimaiy ödevlerniñ parası. Ukrayina raqamlı deñişüv nazirliginde qayd eteler
“Mintsıfra” malümatına köre, ukrayinler endi 25,2 million arbiy obligatsiyalarnı satın aldılar, bu da Ukrayina Mudafaa quvetlerine 26,1 milliard ğrıvnâ yardım ketirdi.
Obligatsiyalarnı satın almaq içün:
“Dia” qullanımını açmaq;
“Arbiy obligatsiyalar” bölügini saylamaq;
Obligatsiya, ortaq ve miqdarnı saylamaq;
Satın aluvnı imzalamaq ve ödemek.
Obligatsiyalar üç iş künü içinde qullanımda peyda olalar.
Hızmetni Ukrayina raqamlı deñişüv nazirligi, Ukrayina Maliye nazirligi, Ukrayina Milliy bankı ve Ukrayina Milliy degerli kağızlar ve fond bazarı komissiyası beraberlikte amelni ömürge keçirdiler.
Hatırlatamız: evelde “Diya”da Qırım meskün yerleriniñ adlarınen arbiy obligatsiyalar çıqarılğan edi: “Gurzuf”, “Sudak”, “Lazurne”, “Carılğaç”, “Bağçasaray”, “Keriç”, “Canköy” ve “Yevpatoriya”(Kezlev).