Kıyiv Podil rayon makemesi Ukrayina tarihında ilk sefer vaqtınca işğal etilgen Qırımda grajdanlarğa qarşı arbiy cinayetler etken işğalci “makemeci”ne üküm çıqardı. Bu aqqındaa Qırım Muhtar Cumhuriyetiniñ prokuraturası bildirdi.
2026 senesiniñ çiçek ayınıñ 28-nde makeme işğal etilgen Aqmescitniñ Kıyiv rayon mhkemesiniñ sabıq “makemecisi” Viktor Mojelânskıyni cenk qanunları ve adetlerini bozğanında (Ukrayina Ceza Kodeksiniñ 438 maddesiniñ 1-inci qısmı) qabaatladı. O, 13 yıl apis cezasına ve mal-mülküni musaderege maküm etildi.
Taqiqat, Qırım işğalinden soñ Mojelânskıyni rusiye federatsiyasınıñ qanunsız makeme sistemasını Ukrayina grajdanlarını taqip etmek içün qullanğanını belgiledi. Onıñ qararları ukrayin tarafdarı olğan faallerge ve qırımtatarlarğa qarşı repressiyalarnıñ aleti oldı.
Hususan, 2014 senesi Ukrayina topraq bütünligine qol tutuv mitinginden soñ tevqif etilgen Ahtem Çiygoz ve ukrayin faalci “Şeref İnqilâbı”nda iştiragi içün Oleksandr Kostenkoğa nisbeten qanunsız qararlar aqqında söz yürsetile.
Bu üküm müim bir emsal teşkil ete, çünki ilk sefer işğalci “makeme sisteması”nıñ qullanılması resmiy tarzda arbiy cinayet olaraq tanıldı – prokuraturada qayd ettiler.
“Makeme, adaletniñ kefilcisi olmaq kerek olğan, amma Qırımda grajdanlarımızğa qarşı basqı siyasetini amelge keçirgen “Femidanıñ hızmetçisi”niñ areketlerine tarafsız uquqiy qıymet kesti. Bu üküm – işğalcilerniñ bütün yardımcıları içün nevbetteki bir işaret: arbiy cinayetler içün mesüliyet qaçınılmaz – dep bildirdi Qırım Muhtar Cumhuriyetiniñ Prokuraturasınıñ yolbaşçısı Nariman Suleymanov.
Mojelânskıyni endi Avropa Birligi, AQŞ, İsviçre ve Yaponiyada işğal etilgen Qırımda vatandaşlarnıñ taqip etilmesinde iştirak etkeni içün sanktsiyalar altında bulunğanı belli.
Bu üküm işğalci akimiyetniñ bütün vekilleri içün müim bir işarettir, çünki ealige qarşı yapılğan cinayetler içün mesüliyetke çekilmeycek, ve Qırımnıñ zarar körgen sakinlerine nisbeten adalet tiklenecek – Qırımtatar Resurs Merkezi qayd ete.