Vaqtınca işğal etilgen Yaltada yalıda mazut izlerini taptılar. Bu aqqında “Qırım yeli” Telegram-kanalı bildirdi.
Qırımnıñ diger rayonlarında suv ve yalı kirli olğanı qayd etile. Deñiz, yalığa yañı mazut lekelerini taşlamağa devam ete. Hususan, taşlavlarnı Fiolent burnu plâjlarında tapalar, bundan evel mazut parçaları Aqyarnıñ şimaliy yalısında tapılğan edi.
rusiye akimiyeti vaziyetni nezaret altında tutqanını ve plâjlar temizlengenini bildire. Aynı zamanda, yerli sakinler ve Telegram kanalları, aksine isbatlağan videolarnı derc etmege devam eteler.
Böyle şaraitte yuvunma mevsimini açmaq pek telükelidir, ve yuvunmağa yalıñız eñ ümütsizler cüret etecekler – Qırımtatar Resurs Merkezi qayd ete.