rusiye işğalcileri qanunsız surette maküm etilgen qırımtatar Mamut Belâlovğa nisbeten rf Ceza Kodeksiniñ 275-inci maddesine istinaden yañı cinaiy iş açtı – Qırımtatar Resurs Merkeziniñ meneceri Zarema Bariyeva bildirdi.
Bariyevanıñ aytqanına köre, vaqtınca işğal etilgen topraqlarda Ukrayina grajdanlarını tekrar cinaiy taqip etüvniñ devam ete.
“Men defalarca işğalcilerniñ işğal etilgen topraqlarda Ukrayina grajdanlarına qarşı tekrar cinaiy davalar açmaq taktikasını tarif etken edim. Bu sefer bu taqdir qırımtatar Mamut Belâlovğa keldi”, – dep qayd etti.
Mamut Belâlovnı 2022 senesi İçki şeerinde qanunsız tuttılar. İşğalci akimiyet onı sabıq Qırım kurort ve turizm naziri Vadim Volçenkonı öldürüvde qabaatladı – QRM-niñ meneceri hatırlattı.
İşğalci “makeme” 2024 senesi boş ayında yaş qırımtatar Belâlovnı 12 yılğa apis cezasına maküm etip, oña 350 000 rubl ($4900) para cezasını, 1 yıllıq memuriy nezaretni ve yaşağan yeri qayd etüv mecburiyetini berdi, em de Volçenkoğa 1 000 000 rubl ($13 800) miqdarında maneviy tazminat ödemek mecburiyetini berdi, Bariyeva dep qayd etti.
Vologradqa qanunsız alda ketirilgen soñ, Mamut Aqmescitte № 2 SİZO-ğa qaytarıldı, mında o 2025 senesi ilk küz ayından berli tutula, o bildirdi.
2025 senesi ilk qış ayınıñ 17-nde belli oldı ki, temyiz makemesi 12 yıldan 11 yıl 6 ayğace apis cezasını qısqarttı, em de para cezasınıñ miqdarını 350 000 rublden ($4900) 300 000 rublge ($4200) qadar eksiltti, amma Volçenkoğa 1 000 000 rubl ($13 800) miqdarında maneviy tazminat ödemek mecburiyetini qaldırdı.
“Saban ayında biz, üç yıl ve sekiz aydan berli qanunsız sürette FSB apishanelerinde tutulğan Mamutnıñ sağlıq vaziyeti fenalaşqanı aqqında yazğan edik, em de onıñ muntazam sürette añlaşılmağan sorğularğa çağırılğanı, tuvğanlarınen körüşmege ve olarğa telefon etmege imkân berilmegeninen bağlı”, – dep bildirdi QRM-niñ meneceri.
Onıñ aytqanına köre, Qırımğa qaytqanından soñ sekiz ay devamında Belâlov tek bir kere taqiqatçınıñ ruhsetinen babasına telefon açıp laf ete bildi. Bütün alâqa mektüp vastasınen ola edi.
“Bir qaç künden evel işğalciler Mamutqa qarşı rusiye Ceza Kodeksiniñ 275 maddesine istinaden devlet satqınlığı yañı cinaiy dava açqanı aqqında eşittim. Onı muntazam sürette FSB binasına sorğuğa alıp kettiler, anda aynı vaqıtta tuvğanlarını körüşmege davet ettiler”, – Bariyeva dep qayd etti.
Onıñ qayd etkenine köre, qısqa müddetli körüşüvlerniñ adı altında rusiye uquq qoruyıcıları kerçekten de Mamutnıñ özüne ve tuvğanlarına ruhiy basqı ete ve sorğu yapa.
“Qısqa müddetli körüşüvler odada, bazıda video ve ses yazıp aluv koridorlarda keçirile, eki konvoy ya da FSB hadimleri olarnıñ başına asıla. “Ziyaret” vaqtında sorğu keçirile. Tahqiqatçı, nevbetnen, bir maznun, soñra soy-soplarını çağıra, malümat ala, uquqçısız, memleketteki siyasiy vaziyet, Ukrayinağa nisbeten munasebet ve SVO qol tutuvı aqqında provokativ sualler bere, dep tarif etti.
Böyleliknen işğalciler qırımtatarğa qarşı yañı davanı uydurmağa tırışalar – Zarema Bariyeva qayd etti.
“İşğalciler qanunsız sürette maküm etilgen Mamut Belâlovğa ve onıñ tuvğanlarına böyle bir ruhiy basqı eteler, çünki olar, er şeyni birinci ya da soñki harflerge qadar sahtelep, ekinci cinaiy iş içün malümat toplaylar”, – QRM-niñ meneceri dep qayd etti.
O, Mamut Belâlovnıñ iç bir vaqıt zorbalıq areketlerini yapmaq niyeti olmağanını ilâve etti.
“27 yaşındaki genç yigit iç bir vaqıt işğalci akimiyetniñ vekillerine ücüm etmege, Ukrayina qanunlarını ve halqara uquqnı bozıp, mustaqil Ukrayina devletiniñ toprağını zapt etken devletke hainlik etmege tüşünmegen edi”, – Bariyeva dep qayd etti.