#LIBERATECRIMEA halqara areketiniñ faalcisi “Qırım.Aqiqat”qa vaqtınca işğal etilgen Qırımda narazılıqnıñ artqanını izaatladı. Onıñ aytqanına köre, yarımada sakinleriniñ çoqusı kremlniñ siyasetinden hoşnut degil ve ukrayin arbiyleriniñ muvafaqiyetlerine müsbet qıymet kese.
“Soñki vaqıt qırımlılar arasında kremlniñ siyasetine qarşı narazılıq artqanı ve Ukrayina Silâlı Quvetleri muvafaqiyetlerine meraqlanğanı duyula. Qırımda USQ-niñ er künlik muvafaqiyetli ücümleri, atta rusiyege qoltutqan qırımlılar arasında ciddiy bir raatsızlıq sebebi oldı. Böyle şaraitte Keriç köprüniñ yıqıluvı – vaqıt meselesi. Men bellesem, böyle bir şey olsa, bu putin vertikaliniñ imicine eñ küçlü bir darbe olur, ve akimiyet partiyasınıñ zayıf reytingi de köprü yıqılğanınen beraber yıqılacaq”, – faalci dep qayd etti.