Qırımtatar Resurs Merkezi, A037KK198 nomeralı Renault Kaptur maşinasınıñ saibi olğan Qırım sakinini, maşinasına “Z” arfini yapıştırıp, faşizmge qoltutqanını ve insanlıqqa qarşı cinayetniñ iştirakçisi olğanını tenbiyeley.
“Z” – 2022 senesi rusiyeniñ Ukrayinağa istilâsınıñ timsali. Bu işarette rusiye ordusı insaniyetlikke qarşı pek çoq cinayet işley: ealiniñ kütleviy öldürüvi, ukrayin halqınıñ genotsidi, qadınlarğa qarşı zorbalıq, balalarnıñ öldürüvi ve hırsızlavı ve diger arbiy cinayetler.
️Bu timsal Ukrayinada, ve daa bir qaç memlekette yasaq etilgen: Almaniya, Latviya, Çehiya, Moldova, Litvaniya. Qazahistan ve Qırğızistan ise “Z” timsalini naqliyat vastalarında cemaat yerlerinde köstermege yasaq ettiler. Bu işaretni yasaq etken memleketlerniñ cedveli tez arta.
Bundan da ğayrı, rusiyeniñ neonatsist totalitar rejimini teşviq etkeniñiz içün Ukrayina qanunlarına köre ağır ceza ala bilesiñiz, misal içün Almaniyada üç yılğa qadar apis cezası ola bile.
rusiye federatsiyasınıñ cinayetlerine qoltutmamağa ve maşnañızdan bu levhanı çıqarmağa çağıramız!
Dostlar, işğal etilgen Qırımda “Z” işaretinen maşinalarğa rastkelgen olsañız, böyle cinayetlerni qayd etmek ve tanışlarıñıznı ve tuvğanlarıñıznı haberdar etmek içün bizge fotoresim yollamağa rica etemiz. (Signal, Telegram +380673437454)
Sizge anonimlik ve telükesizlik kefil etile.