Qırımtatar Resurs Merkezi qırımtatar halqı genotsidiniñ 82-yıllığına bağışlanğan “Genotsidniñ tanılması – adaletke yoldır”: malümat furtunasını başlata.
Qural ayınıñ 18-inci tarihta tek adiy kün degil. Bu, XX asırnıñ eñ deşetli cinayetlerinden birini başından keçirip sağ qalğan halqnıñ acısı, hatıra ve sındırmazlığı künüdir.
1944 senesiniñ qural ayınıñ 18-inci künü sovet akimiyeti qırımtatar halqını tarihiy Vatanı – Qırımdan bütünley sürgün etti. Umumen 238 500 insan sürgün etildi, sürgün etilgenlerniñ 46,2% sürgünlikniñ ilk yıllarında elâk oldı.
Bugün bu ağrılar kene de canını ağırtalar. Dünya 1944 senesinde vaqtında takbih etmegenini rusiye şimdi tekrarlay. Kütleviy öldürüv, hırsızlav, işkence, sürgünlik, balalarnıñ mecburiy köçürüvi, medeniyet ve kimlikniñ yoq etilüvi –millionlar ukrayin içün bu kerçekleşti.
Bu sebepten, biz, qayğırmağan er kesni, bu fırtınağa qoşulmağa ve dünyanı hatırlatmağa çağıramız: cezasızlıq yañı cinayetlerge yol aça. Plakatlarnı içtimaiy ağlarda öz saifelerinde #LIBERATECRIMEA heşteginen paylaşıñız.
Ukrayin, ingliz, türk ve arap tillerinde daa çoq plakat mında tapmaq mümkün: https://drive.google.com/drive/folders/1RQM-w68bZ7YYOSi-gCEumOzBePMOFFSC?usp=share_link
Bu plakatlar Qırımtatar Resurs Merkezi, Qırımnıñ işğalden azat etilmesi ve qırımtatar halqına birdemlik #LIBERATECRIMEA halqara areketiniñ faalleri tarafından işlep çıqarıldı, ukrayin ressamı Andriy Yermolenko ise, olarğa ihtisaslı şeklini berdi.