Qırımtatar Resurs Merkeziniñ tesisçilerinden biridir ve idarecisi Zarema Bariyeva dostları ve qayğırğan insanlarnıñ rusiye tarafından taqip etilgen qırımlılar grajdan esirlerini qıdırmaq ve olarğa qol tutmaqta müim roli aqqında bildirdi, misal olaraq, 16 yılğa apishanege alınğan qırımlı Arseniy Deçkinniñ ikâyesini ketirdi, onıñ aytqanına köre, dostları, açıq malümat olmağanına ve qoranta şaraitlerine baqmadan, faal destekley.
“Çornobayivkadan İrina Ğorobtsova ğayıp olğan soñ, bizge onıñ Kanadada yaşağan yaqın dostu muracaat etti. Qırımtatar Resurs Merkeziniñ taqımı İrinanı qıdıruvğa qoşuldı, çeşit işğalci müessiselerge mektüpler azırlamağa yardım etti, alınğan cevaplarnı talil etti, BMTniñ zorbalıqnen ğayıp olğanlar komitetine şikâyet berdi ve faal malümat-advokatlıq kampaniyasını başlattı, neticeleri de bar edi. Oraq ayınıñ 6-nda biz QRM-niñ resursında İrinanıñ sağ olğanı ve bütün bu vaqıt devamında Qırım FSBsiniñ mahsus blokında belli olmağan vaziyette bulunğanını tasdıqlanğan malümatnı derc ettik”, – Bariyeva dep qayd etti.
Onıñ aytqanına köre, buña oşağan vaziyet 2025 s. ;lk küz ayınıñ 5-nde Soçi ava limanında tutulğan diger ukrain sakini İbraim İbraimovnen de yüz bergen edi. “Onıñ aytqanına köre, 2025 s. lk küz ayınıñ 5-nde Soçi ava limanında semetdeşimiz İbraim İbraimov tutuldı, bizge onıñ dostları – IT mütehassısları – AQŞnıñ farqlı ştatlarında yaşağan ve uydurılğan sebeplerden apishanege alınğan ve SİZOğa yollanılğan dostlarınıñ taqdiri aqqında muracaat ettiler. Böyle bir belâğa oğrağan dostlarıñızdan qaçmayıp, aq qorçalayıcılarnen birleşip, rusiye istilâcısınıñ qoluna tüşken dostlarına yardım etmek içün imkânlar qıdırğanları pek qıymetlidir”.
Bariyeva, uzun vaqıt devamında malümat berilmegen qırımlı Arseniy Deçkinniñ davası aqqında tarif etti. “Künlerde QRM-ne Almaniyağa 2024 senesi ilk küz ayınıñ 5-nde Aqyar şeer makemesi tarafından devlet hainliginde qabaatlanğan qırımlı Arseniy Deçkinniñ yaqın dostları muracaat etti. rusiye ceza kodeksiniñ 275 maddesi 16 yılğa qadar apis cezasını ve 450 biñ rubl($6000) para cezasını berdi.
Onıñ apishanege alınuv tarihı aqqında malümat pek az edi, çünki, yazıq ki, ana-babası oğlunıñ Ukrayina tarafdarı olğan baqışlarını paylaşmağan ve balasına ne olğanını aytmamağa qarar bermegen edi, çünki Aqyarda pek beklegen ve ümüt etken rusiye, yekâne oğlunıñ yapmağan cinayeti içün 16 yılğa apishanege yolladı”, – uquq qorçalayıcısı dep qayd etti.
Onıñ qayd etkenine köre, Arseniy Deçkin 1996 senesi Aqyarda doğdı ve bütün ömürini şeerde keçirdi, jurnalist olaraq tasil aldı ve ekspeditor olaraq çalıştı.
Oğlanğa ne olğanını añlamayıp, dostları onı tek Aqyarda degil de, bütün Qırımda qıdırıp başladılar. Arseniy, elbette, telefonlarğa cevap bermedi, içtimaiy ağlarda peyda olmamaqtan vazgeçti. Dostları Arseniyniñ bulunğan yeri aqqında soradılar, ana-babası ise, er şey yahşı ve onı qıdırmağa kerekmey, dep ayttılar!
Soñra belli oldı ki, 26 yaşındaki oğlannı FSB hadimleri tuttılar, 5 aydan soñ ise 2023 senesi boş aynıñ 20-nde Aqyarnıñ Lenin rayon makemesiniñ makemeci V.N.Klimakov ve devlet qabaatlayıcıları A.A.Abramenko, K.A. Gukasân tarafından tutıldı, ve evelde daa maküm etilmegen oğlannı 222. 1 rf CK 3 maddesiniñ «в» qısmına istinaden maküm ettiler, Arseniyeni 6 yıl ve 6 ayğa qadar sert rejimli koloniyada 350 biñ rubl($4700) para cezasınen qabaatladılar, sanki o, patlayıcı maddelerni qanunsız satın alğanı, saqlağanı ve taşığanı içün qabaatlana, 10 aydan soñ, 2024 senesi ilk küz ayınıñ 5-nde, işğalciler Arseniyni rusiye ceza kodeksiniñ 275 maddesine binaen “devlet satqınlığı” içün qabaatlaylar ve gençni 16 yılğa qadar apis cezasınen ve 450 biñ rubl($6000) para cezasınen qabaatladılar”, – Bariyeva dep qayd etti.
Onıñ aytqanına köre, işğalciler Deçkinniñ ukrayin mahsus hızmetlerinen işbirligi etkenini iddia eteler, amma onıñ dostları bu qabaatlavlarnı red ete ve davanıñ sahteleştirilgenini qayd eteler.
Uquq qorçalayıcısı, Arseniyniñ sağlıq vaziyeti ciddiy qasevet doğurğanını qayd etti, çünki o, daa evel mürekkep ameliyatlarğa oğradı ve daimiy tibbiy yardımğa muhtacdır.
2026 senesi çiçek ayınıñ 23-nde işğalci “makemesi” müddetni deñiştirmeyip qaldırdı – 16 yıl.
“Qırımda yaş Ukrayina grajdanları içün Ukrayina devletine sadıqlıqnıñ fiyatı budır. İşğal vaqtında Arseniy 17 yaşında edi, amma bu yaşta, ana-babasından farqlı olaraq, İ-Ş-Ğ-A-L ne olğanını yahşı añlay edi.
Özüne ya da devletine hainlik etmegen vatandaşını azat etmek içün Ukrayina da elinden kelgenini etecegine inanmağa isteyim, – Zarema Bariyeva dep yekünledi.