Bugün belli ukrayin tarihçısı, Qırım hanlığını tedqiq etken, tv alıp barıcısı, yazıcı ve poliglot Oleksa Ğayvoronskiyniñ 52-nci doğğan künü olacaq edi.
1974 senesi çiçek ayınıñ 30-nda Oleksa Gayvoronskiy – belli ukrayin tarihçısı, Qırım hanlığını tedqiq etken, tv alıp barıcısı, yazıcı, poliglot doğdı. Qırım tarihınıñ eñ teren ve ardı-sıra populârlaştıruvcılarından biri, o, öz ayatını qırımtatar mirasınıñ tedqiq etmesine ve yarımadanıñ keçmişi aqqında tarihiy hatırasınıñ ğayrıdan tiklenilmesine bağışladı.
Ğayvoronskiy aman-aman bütün ömrüni Bağçasarayda keçirdi, onıñ esas tetqiqat ve sevgi yeri oldı. 2000-inci senelerden başlap, ukrayin ve Qırım neşirlerinde tarihiy tahqiqatlarnı faal sürette derc ete, “Oleksa Gayvoronskiynen Qırım kezinti” adlı populâr televizion programmalarnıñ seriyasını yarata, Bağçasaray tarihiy-medeniy qoruğında çalışa, Han mezarlığınıñ teren tedqiqini keçire.
Oleksa Qırım hanlığınıñ tarihı içün müim olğan kitaplarnıñ müellifi edi, şu cümleden eki cıltlı “Eki qıtanıñ ükümdarları” ve “Ülke Qırım” kitaplarınıñ müellifi. O, bir sıra filmlerniñ stsenariylerini de yarattı, şu cümleden “Hıdır-dede” filmleri.
Qırım işğaline baqmadan, Gayvoronskiy Bağçasarayda qaldı, öz ukrayin kimligini açıqtan bildirdi.
Oleksa Ğayvoronskiy 2023 s. küzde uzun devam etken hastalıqtan soñ vefat etti. Onıñ vasiyetine köre, onıñ külü Bereğove köyü yaqınlarında Qara deñiz üstünde tarqatıldı.
Qırımtatar Resurs Merkezi Oleksa Ğayvoronskiyniñ Qırım tarihınıñ meşur tetqiqatçısı ve populârlaştırıcısı olaraq hatırlay. Onıñ ilmiy ve maarif faaliyeti bugün de pek müim olıp qala, tarihiy hatıra saqlanmasına ise – qıymet kesilmey.