Keçken afta Qırımtatar Resurs Merkezi ve Qırımtatar Milliy Meclisi Birleşken Milletler Teşkilâtınıñ Tamır halqlar meseleleri daimiy forumınıñ yıllıq sessiyasında iştirak etüv çerçivesinde Ukrainanıñ BMT Daimiy temsilcisi, fevqulâde ve vekâletli elçisi Andriy Melniknen körüşti.
Körüşüvde Qırımtatar Milliy Meclisiniñ reisi Refat Çubarov, QRM-niñ İdare reisi, Qırımtatar Milliy Meclisiniñ azası Eskender Bariyev ve QRM-niñ uquqçısı Lüdmila Korotkıh iştirak ettiler.
Taraflar Birleşken Milletler Teşkilâtınıñ ilerideki faaliyeti, onıñ inkişaf perspektivaları, onıñ mehanizmleriniñ semereli qullanuvı, em de Ukrayina ve tamır halqlarınıñ rolini quvetleştirüv, hususan Birleşken Milletler Teşkilâtınıñ sekiz mandatı teşebbüsinen bağlı meselelerni muzakere ettiler.
Hususan, Eskender Bariyev Birleşken Milletlerde tamır halqlarnıñ teşkilât işinde kenişletilgen iştiragi meselesini faal muzakere etüv esnasını seslendirdi ve Birleşken Milletlerde Ukrayinanıñ Daimiy Temsilciligini bu meselede faal pozitsiya almağa çağırdı.
“Bir sıra devletlerniñ destegi endi bar, ve Ukrayinanıñ bu meselede ileri memleketlerniñ arasında olması müimdir, bu ise em tamır halqlarnıñ, em de bütün halqara toplulıqnıñ destegi seviyesini arttıra bile. Bundan da ğayrı, tamır halqlarnıñ Birleşken Milletlerde keniş iştirak etüvi, Qırımtatar Milliy Meclisine, Ukrayina tamır halqınıñ temsil organı olaraq, Ukrayinanıñ tesirini halqara seviyede quvetleştirmege imkân berecek”, – dep añlattı.
Körüşüv iştirakçileri Ukrayina tamır halqlarınıñ teşkilâtları içün “EKOSOR” mesleat statusınıñ alınması meselesini de muzakere ettiler.
Ukrayinanıñ BMT daimiy temsilcisine Qırım platforması ve qırımtatar halqınıñ sürgünliginiñ genotsid olaraq tanılması Qırımtatar Resurs Merkezi tarafından teşkil etilgen “Qırımnıñ kelecegi” Strategik forumı çerçivesinde ekspertler tarafından azırlanğan analitik malümat taqdim etildi.
Birleşken Milletler Teşkilâtı öz-özüni ne qadar çoq yaşamasın, bu eñ küçlü halqara teşkilât bir yerge ketmeycek, çünki insanlıq daa yahşı bir şey uydurmadı. Onı deñiştirmek ve quvetleştirmek içün on yıllar kerek, ve bunı tamır halqlarnıñ tanılması ve tesiri dinamikası köstere”, – Bariyev dedi.
Aynı zamanda, BMT sistemasında çoq sayıda muqavele ve universal mehanizmler bar, lâkin Ukrayina olarnıñ bir qısmı ile semereli munasebet qurmay – taraflar qayd ettiler.
“Ukrayinanıñ sesi BM er bir mehanizminde faal şekilde duyulması içün elimizden kelgenini etmek kerekmiz”, – Eskender Bariyev dep yekünledi.
Ukrayinanıñ BMT Daimiy Temsilciligi