Vaqtınca işğal etilgen Qırımda Kefe şeer makemesi yerli sakin Oleksandr Gudzınskiyge rusiye ordusınıñ itibarını tüşürgeni sebebinden 30 biñ rubl ($400) para cezasını berdi. Bu aqqında işğalci “makeme” saytında yazıla.
Qayd etilgenine köre, adise 09703-L arbiy qısmınıñ azıq-tülik anbarları ve işhanesi yanında oldı. Anda Gudzınskiy 5-inci gruppa gemileriniñ eki hadimine yaqınlaşıp, vaqtınca işğal etilgen Qırımda ve Ukrayinada rusiye arbiyleriniñ areketlerine qarşı çıqqanını bildirdi eken.
Dava malümatına köre, aqay “qarışıq rus-ukrain tilinde” laf etken edi. Faqat “makeme qararında” yazılğan sözlerniñ manası aydınlatılmay.
Makeme qırımlınıñ areketlerini rusiye federatsiyasınıñ Memuriy uquq bozuvları kodeksiniñ 20.3.3 maddesine istinaden rusiye silâlı quvetleriniñ itibarını tüşüngenini belgiledi.
Hatırlatamız: Qırımtatar Resurs Merkezi tarafından azırlanğan işğal etilgen Qırımda insan aqları bozuluvı taliline köre, 2025 senesi vaqtınca işğal etilgen yarımadada umumen 1 344 000 rubl ($18 000) miqdarında 18 para cezası qayd etildi.