Vaqtınca işğal etilgen Qırımda siyasiy mabüslerniñ sayısı meselesi tasdıqlanğan malümat ve analitik malümatlar içün Qırımtatar Resurs Merkezine muracaat etken ukrayin ve çetel jurnalistler arasında eñ çoq rastkelgen suallerden biridir – Qırımtatar Resurs Merkeziniñ meneceri Zarema Bariyeva qayd etti.
«2022 senesine qadar Qırımda ne qadar siyasiy mabüs bar edi ve bugün olarnıñ sayısı ne? Bu raqamlar kerçekten de çoq şeyni ayta ve jurnalistke talil etmege, oquyıcığa ise añlamağa imkân bere, buña köre, basqı seviyesi ne qadar deñişti, o, 2022 senesi tolu miqyaslı istilâdan soñ, tolu ölçüli basqın Qırım sakinlerine tesir etti ve yarımadada amelde qullanılğan basqı ameliyatlar Ukrayinanıñ yañı işğal etilgen topraqlarınıñ sakinlerine qullanılıp başladı», — qayd etti o.
Yıllar devamında işğal etilgen Qırımda basqı ameliyatlar ciddiy şekilde quvetlendi – Zarema Bariyeva ayrıca qayd etti.
“Eger 2015 senesi onlarnen siyasiy işler ve nisbeten qısqa müddetler aqqında laf ete bilse edik, bir qaç yıldan soñ uzun müddetke maküm etilgen yüzlernen adamlar aqqında laf kete, çünki işğalciler qanuncılıqnı (rusiye cinaiy kodeksi) faal sürette sui-istimal etip başlaylar (Ukrayin Cinaiy Kodeksiniñ maddeleri, bütünley itibar etmeyler), halqara uquqnıñ barlığını iç de hatırlamaylar », — dep, bildirmede qayd etile.
Taqipniñ kölemi atta bütün işlerni yazıp alğanını qıyınlaştıra – o qayd etti.
Eger işğalniñ birinci yıllarında biz bütün soñunda pancalar artında qalğan ve qanunsız cinaiy cevapkârlıqqa oğrağanlarnıñ adlarını hatırlavdan aytıp olsa edik, tolu miqyaslı istilâdan başlap, mıtlaqa er kesni hatırlavdan qayd etmege pek qıyın, çünki “basqı taylağı” delirdi, serbestlikten marum etilgen yerlerde olğanlar aqqında laf etemiz», — dep qayd etti.
«Yazıq ki, Qırımda yaşap, yarın FSB siziñ qapıñıznı qaqmaycağına iç bir kefalet yoq, çünki işğalciler er bir qırımlını casus, diversant, ekstremist ve terrorist dep sanalar , bu siyasiy mabüslerniñ sayısını añlata, o ise geometrik progressiyağa köre arta», — Bariyeva dep qoşa.
Qırımtatar Resurs Merkeziniñ malümatına köre, 2022 senesiniñ kiçik aynıñ 15 kününe qadar Qırımda 238 siyasiy mabüs teşkerildi, olardan 169 qırımtatar halqınıñ vekilleri edi. 2026 senesi çiçek ayınıñ 20-ne qadar olarnıñ sayısı 520-ge yetti, olardan 277-si qırımtatar edi. Şimdiki vaqıtta 351 adam serbestlikten marum yerlerde (koloniyalarda ve SİZOlarda) buluna, olardan 180 adam qırımtatar halqınıñ vekilleridir.
«Raqamlar red etilmez tartışmasız fakttır, çünki olarnı tasdıqlanğan malümatlarnen adlar cedveli tasdiqlay, olar QRM saytındaki cedvellerde onlayn şekilde yañılana ve er bir işi diqqatnen teşkerile.», — dep qayd etti.
«Er bir iş teşkilâtnıñ uquqçıları ve analitikleri tarafından ayrıca tedqiq ete, ve tek tasdıqlanğan malümat saytta, analitik esabatlarda (kvartal, yarım yıllıq ve yıllıq), em de bizim içtimaiy ağlarımızda kösterile», — Bariyeva qayd etti.
Er bir sımanıñ artında insan taqdiri turğanını qoştı.
Er bir raqamnıñ artında işğalciler tarafından sındırılğan, öz devletiniñ qorçalavına muhtac olğan ve aynı vaqıtta bütün dünya cemiyetiniñ yardımına ümüt bağlağan insannıñ taqdiri tura, şunı hatırlamağa müim», — dep, Bariyeva öz fikirini yekünledi.
O, em de işğal etilgen Qırımda insan aq-uquqları bozuvlarını sistematik şekilde ifadelegenleri ve kremlniñ siyasiy mabüsleri ve grajdan esirleri mevzusını yaqlağanları içün jurnalistlerge teşekkür bildirdi.