Vaqtınca işğal etilgen topraqlardan daa 19 bala ve ösmür Ukrayinanıñ idare etilgen toprağına qayttı.
Daa 19 bala ve ösmür vaqtınca işğal etilgen topraqlardan Ukrayinanıñ idare etilgen toprağına qaytarıldı. Bu aqqında «Bring Kids Bek UA» teşebbüsi haber etti.
Olarnıñ episi büyük psihologik basım, qorqutuv ve taqipni keçirdiler. Hususan, 11 yaşındaki qızçıqnı mektepteki arbiy tedbirlerde iştirak etmege mecbur ete ediler, red etüv ise ocalarnıñ zorbalığınen qorquza edi. Daima qorqqanından balanıñ sağlığında meseleler peyda oldılar.
Qurtarılğan 19 yaşındaki daa bir qız rus askeri tarafından sadece ukrayin tilini qullanğanı içün zorbalay edi. O, ukrayin tarafdarı içün mektepte de cezalana edi. Daa bir ösmürni aldatıp, «lager» dep adlandırılğan yerge alıp kettiler, anda onı rusiye gimnini yırlamağa mecbur ettiler ve izolâtsiyanen qorquzdılar. Qaytıp kelgen soñ, cebriy seferberlikten qaçınmaq içün gizlenmege mecburdır.
Şimdiki vaqıtta qurtarılğanlarnıñ episi ihtisaslaştırılğan merkezlerde bulunalar, olarğa kerekli psihologik yardım ve vesiqalarnı resmiyleştirüvde destekleneler.
Teşebbüsniñ vekilleri aytqanlarına köre, işğal akimiyeti yerli halqqa, hususan ösmürlerge basımnı arttıra, qaytuv yollarını mürekkepleştire. Buña baqmadan, ukrayin balalarını qaytaruv işi devam ete.
Qırımtatar Resurs Merkezi balalarnı qaytqanlarınen tebrikley ve olarğa serbest Ukrayinada bahtlı kelecekni tiley.