Azav deñizinde rus brakonyerleriniñ faaliyeti sebebinden esas ticaret balıq çeşitleri sudak ve taran balıqlarınıñ populâtsiyaları ciddiy şekilde eksile. Bu aqqında «FortPost» işğal neşiri bütünrusiye balıqçılıq ve okeanologiya ilmiy-tedqiqat institutınıñ cenübiy filialına esaslanıp haber etti.
Elimizdeki malümatqa köre, bu balıq çeşitleriniñ populâtsiyalarınıñ vaziyeti bir qaç faktornıñ tesiri altında ep bozuldı, şu cümleden uzun vaqıt devamında idare etilmegen balıqçılıq, Azov deñizinde suvnıñ tuzlulıq seviyesiniñ deñişmeleri, em de tabiiy yer üstündeki derelerniñ ağızları ve kiçik özenlerniñ ve havyar taşlav yerleriniñ degradatsiyası.
«Şimdiki vaqıtta bir qaç sebeplerden bu balıq çeşitleriniñ populâtsiyaları ep eksildi: bu soñki onyıllıqlarda intensiv brakonyerlik, Azov deñiziniñ tuzlanması, derelerniñ ağızlarında ve kiçik özenlerde tabiiy havyar taşlav yerleriniñ ziyade suv ösümliginiñ ösüvi», – bölükte dep añlattılar.