Qırımtatar Resurs Merkeziniñ İdare Reisi, Qırımtatar Milliy Meclisiniñ azası Eskender Bariyev, İşğal etilgen Qırımda insan aqları bozuvlarınıñ talili taqdimnamesi matbuat konferentsiyası vaqtında 2026 s. birinci kvartalğa qadar grajdan deñişmeleri ceryanını qayd ettiler. Vaqtınca işğal etilgen topraqlarda zorlap ğayıp etmekniñ sistemalı olğanını qayd etti.
Onıñ aytqanına köre, tedbir devamında taqdim etilgen üç tınç sakinniñ — Oleksandr Osadçiyniñ (Qırım), Viktor Bondarenkonıñ (Zaporijjâ vilâyeti) ve Oleksandr Babıçnıñ (Herson vilâyeti) — ikâyeleri işğalcilerniñ tipik areket modelini köstere, qorantalardan ayırılmaq ve olarnıñ yer olğanını gizlemek.
«Bugün biz üç adamnıñ ikâyesini eşittik, episi “inkommunikado” statusında olmaqta ya da olğan edi», — Bariyev qayd etti.
O, dört yıldan ziyade qorantasınen bağsız tutulğan Ğola Pristan şeeriniñ meri Oleksandr Babiçniñ işine ayrıca diqqat ayırdı. Resmiy olmağan malümatqa köre, o Taganrogda ola bile, lâkin o daa tasdıqlamağan.
Adamlarnı “inkommunikado” statusında tutmaq ameliyat sistemalı sürette qullanıla — cinayetlerni gizlemek, çekiştirüvlerniñ yazılmasına mania olmaq, tutuqlarğa kerekli şaatlıqlarnı çıqarmaq içün basım yapa, — Bariyev qayd etti.
Aynı vaqıtta o, üç tınç sakinniñ işğal etilgen topraqlarda añlı tarzda qalğanlarını — insanlarğa yardım etmek, cemaatlarğa yardım etmek, göñülli faaliyetnen oğraşmaq ya da içtimaiy bağlarnı saqlamaq içün qalalar. İşte, tam Ukrayin tarafdarı nazar noqtası olarnıñ taqip etilmesine sebep oldı.
Ayrıca, QRM reberi almaşuvlarğa tınç sakinlerni kirsetmek kerekligini qayd etti:
“İşğal topraqlardan tınç sakinlerniñ almaştırılğanlar arasında olması pek müimdir. Bu tek adalet meselesi degil de, Qırım, Herson, Zaporijje ve diger işğal vilâyetlerinde yaşağan insanlarğa devlet olarnı hatırlağanı ve olarnıñ qaytarılması içün küreşkeni aqqında işarettir”, – Bariyev dep qayd etti.
Aynı zamanda tutuv vaqiaları aqqında haber etmege qorantalarnı keçiktirmemege çağırdı, çünki tez cevap halqara teşkilâtlarnıñ diqqatını celp etmege imkân bere ve bazı allarda adamlarnıñ azat etilmesine yardım ete.
«Er bir azat etilgen insan – biz Ukrayinanıñ er bir vatandaşları içün küreşkenimizge isbattır», – dep, öz fikirini yekünledi.