Qırımtatar Resurs Merkeziniñ meneceri ve tesisçisi Zarema Bariyeva, «Українська правда» neşir etilgen, «Crimea Vox»nıñ sutunı içün qayd etti: Ukrayinağa qarşı rusiyeniñ tolu miqyaslı cenk başlanğan soñ, işğal etilgen Qırımda qadınlarğa qarşı siyasiy taqipler ep şiddetlendi. 2026-ncı senesiniñ saban ayına köre, eñ azdan 52 qadınnıñ quvulğanı belli.
“Saban ayına köre, 21 qadın cezahanelerde, 31 ise “SİZO”da bulunalar. Belli degil, daa qaç qadın serbestlikten marum etilgen yerlerde “inkomunikado” statusında, tışqı dünyanen alâqada olmadan tutulmaqta. Bundan ğayrı, şimdi 10 qadın ğayıp olaraq cevapqa tartılmaqta», – QRMniñ tesisçisi ve idarecisi dep qayd etti.
Uquq qorçalayıcı faali işğalci akimiyetniñ böyle areketleri fikir farqını bastıruv ve vatandaş cemiyetine basım yapmaq kibi daa keniş siyasetniñ bir qısmı olğanını qayd etti.
«Bu – aynılıq ve fikir farqını cinaiyleştirüvniñ klassik ameliyatıdır», – QRMniñ tesisçisi dey.
Onıñ aytqanına köre, 2022 senesinden soñ er angi bir tenqit, atta açıq degil sadıqsızlıq cinaiy cevapkârlıqqa çekilmek içün esas ola bile.
“Apishanege alınğan qadınlarnıñ bazıları çoqtan berli apshanelerde bulunalar ve olarnıñ sağlıqlarınen ciddiy meseleler bar. Hususan, İrına Daniloviç ve Ğalına Dovğopola evlerinden yüzlernen kilometr uzaqlıqta, kerekli tibbiy yardımsız cezahanelerde bulunalar”, – uquq qorçalayıcı dep qayd etti.
O, qadınlarnı tutuv şaraitlerine ayrıca diqqat ayırdı, olarnıñ esas ihtiyacları esapqa alınmay.
“Ceza sistemaları qadınlarnıñ mahsus ihtiyaclarını deyerlik esapqa almağandan bu zararlılıq çıqa .Qadınlar içün gigiyena mahsulatlarına irişmekni aytmayım, soy-soplardan kelgen yollanmalıq ya qabul etilmey, ya da: “Ruhset berilmey” degen belginen qaytarıla”, – dep añlattı Zarema Bariyeva.
Netice çıqarıp, uquq qorçalayıcı siyasiy taqiplerniñ sayısı artqanını işğalci devletniñ repressiya siyasetiniñ şiddetlengenini köstere, dep qoştı.
«Qırımnıñ er bir işğal etilgen yılınen siyasiy mabüslerniñ sayısı artqan sayın, işğalniñ 12-nci yılına baqmadan, insanlar Qırımnı aneksiya etmek içün etilgen qanunsız areketke istemegenini ve çıdamaycağını köstere.
Bu ceryanlarnı añlap, özüne olğan telükeni tolusınen añlap, işğalci devlet qorqu müitini saqlap qalmaq içün böyle cemaat inkvizitsiyalarını keçire. Bu, rusiyeniñ işğalci tertibine qarşı böyle adlandırılğan telüke aqqında söz çıqqanda, rusiyeniñ repressiya maşınası ne siyasiy mabüslerniñ yaşını, ne de sağlığını esapqa almaycağını köstere. Qarşılıq köstergenlerniñ episi soñunda apshanelerge tüşecegini, anda olar özleriniñ qanunsız uzun müddet cezalarını qattı şaraitlerde keçirmege mecbur olalar», – Zarema Bariyeva qayd etti.