Cuma künü, oktãbrniñ 4-ünde Varşavada QRM reisi, qırımtatar Milliy Meclisi azası Eskender Bariyev ve QRM yuristi Lüdmila Korotkih Minority Rights Group Europe temsilcisi Nurangiz Hocarovanen iş körüşüvini keçirdiler.
Körüşüv vaqtında Nurangiz Hocarova hanımnı işğal etilgen Qırımda insan haqlarınıñ ve qırımtatar halqınıñ cemi haqlarınıñ bozulmasınen bağlı vaziyetinden haberdar ettiler.
‘Qırım mevzusı ve qırımtatar halqı temsilcileriniñ taqip etilmesi dünya cemaatçılığınıñ kün terkibinde yer almalı ve Minority Rights Group Europe işinde de olmalı’,- qayd etti Nurangiz Hocarova.
Taraflar işbirlik yönelişlerini muzakere ettiler, ayrıca da qırımtatar halqınıñ meselelerine halqara diqqatnı çekmek içün birlikte yapa bilecek amellerni qonuştılar.