Cumaaqşamı künü, oktãbrniñ 3-ünde Varşavada QRM reisi, qırımtatar Milliy Meclis azası Eskender Bariyev ve QRM yuristi Lüdmila Korotkih ‘Yuristler yuristler içün’ teşkilãtında Avrasiya programmasınıñ Yolbaşçısı Tara Fihternen körüştiler.
‘Yuristler yuristler içün’ – mustaqil siyasetten tış fond olıp, çeşit ülkelerde öz zenaatından dolayı taqip olunğan yuristlerni desteklemek maqsadı olaraq körmekte.
Körüşüv devamında işğal etilgen Qırımda öz zenaatından dolayı telüke altında bulunğan qırım advokatlar ve huquqqoruyıcılarnı qorumaq mevzusında işbirlik meseleleri muzakere etildi.
Tara Fihter holland yuristlerinen birlikte qırım advokatlarnıñ vaziyetleri aqqında tedqiq esabatı üzerinde çalışqanı bildirdi.
Şundan da ğayrı, taraflar Qırımdaki advokatlar ve huquqqoruyıcılarnıñ haqlarını qoruv boyunca birlikte tedbirler keçirmek imkãnlarnı muzakere ettiler.