Cumaertesi künü, sentãbrniñ 14-nde QRM reisi, Milliy Meclis azası Eskender Bariyev cemaat liderler forumınıñ işinde iştirak etti.
Munaqaşa çerçivesinde volontörlıq inkişafınıñ imkãnları, işğal etilgen territoriyasında grajdanlar reintegrastsıyası, yerli demokratıyanıñ inkişafı ve cemiyetler tiklenilmesi esnasına grajdanlarnı celp etilmesi muzakere etildi.
‘Vaqtınca işğal etilgen territoriyalarında vatandaşlarnen çalışuv ve reintegratsıya strategiyaları’. O, QRM faaliyetiniñ yonelişleri ve vazifeleri aqqında añlattı:
- qırımtatar halqınıñ cemi haqları ve Ukraina vatandaşlarınıñ şahsiy haqlarını temin etilüvi;
- insan haqlarınıñ bozuluvı ve Ukraina territoriyasında rf cinayetleriniñ nezaret etilmesi ve qayd etilmesi;
- Ukraina qanunları leyhalarınıñ işlep çıqarılması;
- medeniy- maarif teşebbüslerge destek kösterüv;
- Qırımnıñ sabit inkişafınıñ talili ve monitoringniñ yapılması;
- informatsıon- maarif faaliyetiniñ kerçekleşmesi.
Şundan da ğayrı, Eskender Bariyev QRM-niñ Qırım reintegratsıyası meselesinde bazı faaliyetleri aqqında tarif etti. Ayrıca da ‘Qırımnıñ kelecegi’ Strategik forum aqqında tarif etti.
‘Qırımnıñ kelecegi’ Strategik forumınıñ artıq 3 sessiyası keçirildi. Tedbirge Ukrainanıñ akademik saasınıñ temsilcilerinden olğan ekspertler, Qırım platforması Ekspert ağınıñ ekspertleri, cemaat erbapları, jurnalistler, doktor ve yuridik, coğrafik, iqtisadiyat, siyasiy, içtimaiy, tarihiy ve pedagogik ilimler namzetleri bar’, – qayd etti o.
QRM reisi mezkür Forumnıñ mahsulları eki vesiqa olğanını qayd etti: ‘Qırımnıñ kelecegi: strategiyalarğa tevsiyeler ve huquqiy teminler’, ‘ Qırım reintegratsıyası: hakimiyet planları ve halqara destek mehanizmlerniñ şekillenmesi’, şundan da ğayrı, Qırım platformasınıñ Ekspert ağınıñ iş siyasetleri ve Reglamenti.