Qırım işğalinden soñra rusiye silãhlı küçleri saqatlığı, hastalıqları olğan, şu cümleden esli-başlı adamlarnı taqip etmege başladılar.
Al-azırda QRM malümatlarına köre FSB hapislerinde tutuqlanğanlar:
Zakirya Muratov – 3 gruppa saqatı
Aleksandr Sizikov – 1 gruppa saqatı
Timur İbragimov – 3 gruppa saqatı
Servet Gaziyev – 2 gruppa saqatı
Amet Suleymanov- 3 gruppa saqatı
Timur Yalkabov – 3 gruppa saqatı
Remzi Kurtnezirov – 2 gruppa saqatı şimdi ev hapisi altında bulunmaqta.
Bu insanlar pek hastalar. Hapishanelerdeki müşkül şaraitlerden dolayı, şikãyetleri cevapsız qalğanı, tıbbiy yardım kösterilmegeni sebebinden sağlıqları hep fenalaşa. Yazıq ki, sağlıqları zayıf olğan mahbüslerden 60 yaşındaki Cemil Gafarov ve 61 yaşındaki Konstantin Şiring bu dünyanı endi terk ettiler.
RF böyle areketlerinen siyasiy mahbüslerniñ fizik ve ruhiy sağlıqnıñ eñ yüksek seviyesine haqlarını boza. Şundan da ğayrı, RF qanunına binaen ağır hastalarnı hapisten çıqarmalı, çünki insan ömüri eñ qıymetli şeydir.
Rf-ndan yuqarıda añılğan adamlarnı ve diger siyasiy mahbüslerni azat etmege ve işğal etilgen Qırımda insan haqlarını bozuvlarını toqtatmağa talap etemiz.