2014 senesi başlağan Qırım işğali şaraitinde yarımadada söz serbestligi meselesi ğayet aktual oldı.
Böyle etip, başta Qırımda professional jurnalistler işini devam etseler, basqı artmasınen olarnıñ büyük qısmı Ukraina qıtasına köçmege mecbur oldı, bazıları ise qalıp, gizli şekilde ukrain haber vastaları içün malümat azırlamağa devam ete ediler. İşğal şaraitinde yaşağan sade adamlar ellerine telefon alıp, qırımtatar halqınıñ temsilcilerine qarşı yapılğan bir sıra cinayetlerni qayd etmek içün videolar çıqarmağa mecbur oldılar.
Rusiye silãhlı küçleri tintüv ve tintme devamında jurnalistlerniñ ellerinden kamera ve telefonlarını alıp ata ediler. Bazıda işğalcılar fizik quvetni de işlete ediler. Basqı aleti olaraq rusiye qanuncılığından faydalanıldı. Jurnalistler idariy mesuliyetlikke yasaq mitinglerde iştirak etkenleri içün celp etildiler.
A l-azırda bir çoq siyasiy mahbüsler arasında ‘Qırım birdemligi’nde faal cemaatçılar, grajdan jurnalistler, blogerler bar.
16 qırım jurnalisti ve faal cemaatçısı öz mevamları içün FSB hapislerinde bulunmaqtalar: Server Mustafayev, Timur İbragimov, Marlen Asanov, Seyran Saliyev, Remzi Bekirov, Ruslan Suleymanov, Osman Arifmemetov, Rustem Şeyhaliyev, Amet Suleymanov, Riza İzetov, Emir-Usein Kuku, Aleksey Bessarabov, Vladislav Yesipenko, Asan Ahtemov, Rustem Osmanov, İrina Daniloviç.
Yarımadamız qanunsızlıq territoriyasına çevirildi. RF Ukranağa qaşrı başlatılğan cenk Ukrainada serbest jurnalistikağa qaşrı basqını arttırdı. Ukrana jurnalistleriniñ Milliy birligi bildirgenine kröe, işğalcılar 100-den ziyade ukrain jurnalistini öldürdiler.Vaqtınca zapt etilgen territoriyalarda bir çoq regional media muarririyetleri yoq etilgeni, daima qorquzılğanları, işğal şaraitlerinde çalışmağa imkãnsız olğanından öz işlerini toqtatmağa mecbur oldılar.
QRM halqara cemaatçılıqnı vatandaşlarımız öz zenaatları boyunca çalışmağa devam etmeleri içün işğalcı devletke basqını arttırmağa çağıra.