Cumaaqşamı künü, avgust 8-de QMC Ukraina Prezidentiniñ Temsilciliginde Ukrainanıñ işğal etilgen territoriyalarında yaşağan şahıslarğa nisbeten teşkirüv usullarını muzakeresinen bağlı körüşüv keçirildi.
Tedbirde Daimiy temsilci Tamila Taşeva, Daimiy temsilciniñ muavinleri Olã Kurişko, Denis Çistikov, Temsilicilik yanında Ekspert keñeşiniñ azaları, Qırım Platforması Ekspert ağınıñ iş gruppalarınıñ azaları, ayrıca da QRM reisi, qırımtatar Milliy Meclisi azası Eskender Bariyev ve QRM yuristi Lüdmila Korotkih iştirak ettiler.
İştirakçiler Ukrainanıñ işğal etilgen territoriyalarında yaşağan şahıslarğa nisbeten teşkirüv usullarını muzakere ettiler.
‘Asılında, her bir insannıñ belli bir vaziyette hainlik seviyesini közde tutmalımız. Misal olaraq, memur ya da arbiy hızmette bulunğan ve rusiye tarafına keçken hadim, ya da Gippokrat antını içken ve işini devam etip, işğal etilgen territoriyalarda ukrainlerge tıbbıy yardım köstergen ekimni nasıl qıyas etmeli? İşlerine nasıl qıymet kesmeli?’- qayd etti Eskender Bariyev.
Ekspertniñ aytqanına köre bütün bu kibi sualler daa açıq qalmaqta. Bu sebepten QRM, insanlar öz hainlik seviyesini ölçep olsunlar dep, mahsus usuliyetni işlep çıqardı.
Tasnif em ukraina devlet organları, em de halqara teşkilãtlarnıñ sanktsıya siyaseti içün emiyetli alet ola bilir.