BMT(OON) iqtisadiy ve içtimaiy keñeşi tamır halqlar meseleleri boyunca BMT(OON) daimiy forumnıñ maruzası ve tevsiyelerini tasdiqladı.
Hatırlatamız ki, BMT tamır halqlar boyunca Daimiy Forum – tamır halqlarnıñ iqtisadiy, içtimaiy inkişafı, medeniyeti, etraftaki barlıq, tasil, sağlıqqoruv, insan haqlarına dair meselelerinen meşğul olğan mesleat organıdır.
BMT(OON) tamır halqlar meseleleri boyunca maruzacısı Suleyman Mamutov aytqanı kibi, maruzanıñ esas qısmında Daimiy Forum ilk sefer Ukrainanıñ üç tamır halqını adlandıra – qırımtatar, qaraylar, qırımçaqlar – ve mezkür halqlar öz haqlarını amelge keçirip olamağanları rusiye zulumınen bağlı oğanını qayd ete.
Qayd etemiz ki, QRM – BMT tamır halqlarnıñ meseleleri boyunca Daimiy Forumnıñ işinde muntazam şekilde iştirak etken yekãne teşkilãttır.
‘ Bu sene biz (QRM) ve qırımtatar Milliy Meclisi Nyu-Yorkta Ukraina tamır halqlarnıñ yekãne temsilcileri ediler, toplaşuvlarda faal iştirak etti ve sessiya çerçivesinde sayd ivent keçirdiler. Şundan da ğayrı, Forum azaları ve Ekspertler mehanizmlerni ve diger meraqlanğan şahıslarnı haberdar etmek mühim işlerinden biri’,- qayd ete QRM yuristi Lüdmila Korotkih.
Ebette, bütün faaliyet esabat, maruza ve tevsiyelerde munasip bilgiler aks etilmesine yöneltilgen.
‘ Şunıñ içün QRM işi bu kontekstke ve halqara seviyede öz neticelerini ketire. Metinlerni kim azırlağanı da ebet emiyetlidir ve yahşı ki, bu sene maruza ve tevsiyeler içün Ukraina Forumı mesuliyetli edi’,- qoştı Lüdmila.