PASE 2022 senesi 24 fevralden soñra Ukraina boyunca 4 rezolütsıya qabul etti Rusiye Ukrainağa qarşı cenk başlatqandan berli Avropa Keñeşiniñ çeşit strukturaları tarafından bir sıra rezolütsıyalar qabul olundı, şu cümleden parlament Assambleyası ve Nazirler Komiteti:
- ‘RF Ukrainağa qarşı zulumnıñ devamında aqibetleri: Avropa Keñeşiniñ rolü ve cevabı’ 2022 senesi 27 aprel.
- ‘RF-nıñ Ukrainağa qarşı zulumı: halqara gumanitar haqlarnıñ bozuvları ve diger halqara cinayetleri içün mesüliyetlikni temin etilmesi’. 2022 senesi 28 aprel.
- ‘RF Ukrainağa qarşı zulumnen bağlı tış ve içki icret ve gumanitar aqibetleri’ 2022 senesi 22 iyün
- ‘Ukrain balalarnıñ ve diger vatandaşlarnıñ rusiye federastıyasına ya da Ukrainanıñ vaqtınca işğal etilgen territoriyalarına zorbalıqnen köçürilmesi: olarnıñ havfsız qaytmalarını temin etmek, bu cinayetlerde qabaatlılarnıñ cezalandırılması’. 2023 senesi 27 aprel.
Faqat bu rezolütsıyalarnıñ ne manası bar?
Asılında mezkür vesiqalar Teşkilãtnıñ belli bir meselelerge dair mevamını şekillendirgen esas vesiqalardır, ayrıca qaçaqlar, ukrain balalarnıñ köçürilmesi, mesuliyetlikke çeküv ve il.
Şundan da ğayrı, ayrı rezolütsıyalar belli bir mehanizmlerni başlatalar ki, misal olaraq, rf-nıñ Ukrainağa qarşı başlatqan zulum neticesinde körüngen zararlar cedveli. Mezkür rezolütsıya ileride ayrı halqara añlaşmağa çevirildi.
Bazı rezolütsıyalar insaniyetlikniñ ilk sefer bu miqyasta rastkelgen meselelerge dair halqara-huquqiy belgilenmesiniñ asıl etilmesine yol açalar. Misal olaraq PASEniñ ‘Silãhlı çatışmalarnıñ etraftaki tabiatqa tesiri’ kibi rezolütsıyanı ketirmek mümkün.
Bu kibi rezolütsıyalarda Qırım her vaqıt ayrı añılmasa da, Ukraina territoriyasınıñ bütünligine destek mevamı ve Ukrainada barışıqnıñ tiklenilmesine Avropa Keñeşini celp etmek kerekligi daimiy qalmaqta.