Qırımtatar Resurs Merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyev bildirgenine köre, yañı ordu hızmetine davet kampaniyası çerçivesinde işğal etilgen Qırımda rusiye hakimiyeti yarımadanıñ 15 biñ sakinini çağırmağa plalaştıra.
‘Bazı menbalardan belli olğanı kibi, 20 aprelden seferberlik ilãn etile ya da sertleştirile bilir. Bu esnasnı közetecekmiz. Bizge belli olğanına köre, ordu hızmetine davet nasıl keçkeninen bağlı olacaq’,- qayd etti Bariyev.
Hem de daha qayd etilhenine köre, işğalcılar qırım faal cemaatçılarnıñ mahkemelerini ziyaret etken diñleyicilerine de davetlerni berecekler.
‘Misal olaraq, işğal etilgen Qırımda qırımtatar faal cemaatçısı Ali Seytablayevge, o Lenur Yakubovnıñ mahkemesine kelgende teslim etildi. Böyle etip, adamlar kütleviy tedbirlerde iştirak etmesinler dep, olarnı qorquzalar’,- añlattı Bariyev.
Añlaşılğanı kibi, Ukrainanıñ işğal etilgen territoriyalarında yaşağanlar içün seferberlikten qaçınmaq pek zor.
Qırım sakinlerden hiç kimse rusiyeliler Ukrainada kerçekleştirgen halqara cinayetniñ ortağı olmamalı. Qırım tezden azat olunacaq ve adalet mıtlaq yerini tapar. Her kes öz cezasını çekecek.
Şunıñ içün hatırlatamız ki, QRM evelden ‘Mogilizatsıya’(‘Cesetberlik’) kampaniyasını başlattı ki, onıñ çerçivesinde Qırım sakinlerine seferberlikten qaçınmaq yollarını añlata.