QRM tarafından Ukrainada ‘Fridrih Naumannıñ azatlıq oğrunda fondu’ Temsilciliginiñ destegi ile keçirilgen ‘Qırım istiqbali’ III Strategik forumnıñ işi yekünlendi.
‘Qırım Platformasınıñ işi deokkupatsıya seviyesinde qalmaz, daha nice seneler devamında vaqtınca işğal etilgen Qırımnıñ reintegratsıyası içün oña ihtiyac duyulacaq’, – qayd ete QRM reisi Eskender Bariyev.
Bu künler devamında ekspertler tarafından ekspert işiniñ fiyatını planlaştırmaq ve şekillendirmek boyunca Siyaset ve eskpert işiniñ neticesine qıymet kesüv boyunca Siyaset faal şekilde muzakere etildi.
Körgenimiz kibi, mezkür siyasetler ekspertler arasında bayağı munaqaşa peyda etti. Muzakere devamında şöyle bir mevamğa keldiler ki, itibarlı alim ve tetqiqatçılarnı celp etmek ve Qırımnıñ deokkupatsıya ve reintegratsıyası içün añlayışlı qaidelerni şekillendirmek kerek ki, yuqarıda añılğan siyasetler aynı öyle qaidelerdir.
Şubesiz ki, bütün bu leyhalar Qırım Platformasınıñ Ekspert ağı tarafından ileride muzakere etilmesi, talili ve amelge keçirilmesi içün taqdim etilecek.
Hatırlatamız ki, forumda 20 ekspert, aralarında ise Ukraina Akademik sahasınıñ temsilcileri, Qırım Platforması Ekspert ağınıñ ekspertleri, cemaat erbapları, jurnalistler, alimler, yuridik, coğrafik, iqtisadiyat, siyaset, içtimaiy, tarihiy, pedagogika ilimleri iştirak ettiler.