15 mart künü Ukraina Nazirler Kabineti ‘Qırımtatar tili inkişafınıñ temin etilmesine ayrı isse içün mukãfat haqqında’ qararını qabul etti.
Qararğa köre, her yıl qırımtatar tiliniñ inkişafı ve kütleviyleştirilmesine issesini qoşqanlarğa 50 biñ grivnã ölçüsinde 20 yaqın mukãfat berilecek.
Vesiqa 2022-2032 seneleri qırımtatar tili inkişafı Strategiyasını amelge keçirüv çerçivesinde etnosiyaset ve vicdan serbestligi Devlet hızmeti tarafından işlep çıqarıldı.
Mezkür faaliyet tamır halqlar tilleriniñ 10 yıllığında ve qırımtatar tilini YUNESKO tarafından yoq olmaq havfı altında buunğan tiller cedveline kirsetkeni halda ayrıca emiyetlidir. Şundan da ğayrı, fevral ayında Ukraina Nazirler kabineti 2023-2032 seneleri qırımtatar tili inkişafınıñ strategiyasını qabul etti.
Demek, qırımtatar tiliniñ inkişafına nasıl isse qoşamız?
- saytımız qırımtatar tilinde de çalışmaqta:https://ctrcenter.org/qt
- 2019 senesi QRM qırımtatar tiline İnsan haqları Umumiy Deklaratsıyanı tercime etip, BMT(OON) resmiy resursında yerleştirdi. 2021 senesi insan haqları Avropa konventsıyası da qırımtatar tiline tercime etildi. Şundan da ğayrı, Qırım ve qırımtatarlarnen bağlı ukrain qanunlarnı tercime etmege niyetindemiz.
- QRM Qırımda tarihiyştoponimlerniñ qaytarılmasına doğrultılğan ‘Adlarnı qaytarmaq- Qırımnı qaytarmaq demektir’ adlı informatsıon kampaniyasını keçirmekte.
- Her afta ‘Qırımtatar tili luğatı’ rubrikamıznı devam etemiz ve oquyıcılarımızğa qırımtatar söz ve ibarelerni ögretemiz.
Begenmeleriñizni qoyıp, derclerimiznen paylaşıñız.