Ukraina prezidenti Vladimir Zelenskiy 8 mart künü İstanbulğa körüşüv ziyaretinde Türkiye prezidenti Recep Erdoganğa rf tarafından hapiske alınğan ukrain esirler cedvelini teslim etti. Mezkür cedvelge repressiyağa oğratılğan qırımtatarlar da kirsetilgen.
Matbuat konferentsıya devamında Zelenskiy şunı bildirdi ki, Ukraina ukrain siyasiy mahbüsler ve esirlerniñ azat etilmesinde Türkiyeniñ destegine pek işana.
‘Türkiye vastası ile bayağı gumanitar yardımğa saip çıqtıq. Şimdi ise bu yönelişte ğayretler devam etecegine ümüt etemiz. Bugün Ukraina vatandaşlar cedvelini, ayrıca da işğal etilgen territoriyalarda rf tarafından respessiyalarğa oğratılğan ve hapishanelerde müşkül şaraitlerde bulunğan qırımtatarlarnıñ adlarını teslim ettim’,- dedi Vladimir Zelenskiy.
‘Ukrainler, qırımtatarlar- episi. Nariman Celãl, Leniye Umerova, Server Mustafayev ve digerler kibi haqsız-qanunsız esir alınğanlar. Her bir insan öz evinde, zaten dünyada yaşamağa layıqtır’,- dedi prezident.