Bazarertesi künü 19 fevralde QRM reisi, Milliy Meclisniñ huquq ve çetel meseleler boyunca idare başı Eskender Bariyev Etnosiyaset ve vicdan serbestligi boyunca Devlet hızmetiniñ reisi Viktor Yelenskiynen körüşti.
Körüşüv devamında subetdeşler Qırımda tarihiy adlar qaytarılmasınıñ mühimligi muzakere etildi. Viktor bey Yelenskiyge yañı bölge qurulışına köre Qırımnıñ mesken yerleriniñ tarihiy adlarını bulundırğan misilsiz harita teslim etildi.
Yaqın zamanda böyle kibi haritalar Ukraina devlet hakimiyeti organlarınıñ temsilcilerine de yollanılacaq. İşte böyle yardımcı malümatlar sayesinde ukrainlerni Qırımnıñ kerçek tarihınen tanış ete bilemiz.
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.