Bugün, 15 fevralde advokat Emil Kurbedinovnı HFH(fsb) binası yanında tutuqladılar. Bu aqta ‘Qırım birdemligi’ haber ete.
‘Aqmescitte HFH(fsb) İdaresi binasınıñ yanında advokat Emil Kurbedinov tutuqlanıldı. Ekstremizmge qarşılıq kösterüv boyunca Merkeziniñ hadimleri onı şeher polis bölügine alıp keteler,’- denile haberde.
Advokatnıñ ömür arqadaşı Diana Kurbedinova aqayını silãhlı küçler alıp ketkenine şaat etti.
‘Emil telefon etip, tetqiq tedbirlerinden çıqqanını bildirdi. Onı Ekstremizmge qarşılıq kösterüv boyunca Merkeziniñ hadimleri Roman Filatov ve ruslan Şambazov qarşılap, olarnen ketmek kerekligini bildirdiler’,- añlattı o.
Belli olğanı kibi, Emil Kurbedinov 2023 senesi 14 iyülde Telegramda yazılğan bir izaat içün tutuqlanıldı ve bugün protokol yazılıp serbest qaldırıldı.
Hatırlatamız ki, Emil Kurbedinov advokatlıq faaliyetinde bulunıp, haqsız mahküm etilgen qırımtatarlar ve Qırımnıñ diger sakinlerini qorumaq orğunda çalışmaqta.