Dostlar, QRM yarımadada tarihiy adlarnıñ yañıdan tiklenilmesine doğrultılğan ‘Adlarnı qaytarmaq-Qırımnı qaytarmaqtır’ informatsıon kampaniyasını devam etmekte.
Al-azırda mezkür mevzu ukrain ealisi arasında, ayrıca da ukrain KHV-nda pek meşurdır. Bu meselede, ülkemizde barış mühitini temin etmek maqsadınen doğru terminlerni qullanmaq pek emiyetlidir.
Misal olaraq, ‘Qırım adlarını deñiştirmek’ demege olmaz. Böyle kibi ibareniñ qullanılması tamam müstemlekecilikni közde tuta. Faqat ukrain topraqlarında tamır atmağa tırışır eken, tarihiy adlarnı yoq etip, öz rus adlarnı pekitmege tırışqan rf-na oşamağa niyetimiz yoq.
Biz yañıdan adlandırmaymız, biz qaytaramız. Yat adlardan qurtulıp, tarihiy adlarnı yañıdan tikleymiz.
Şundan da ğayrı, nasıl adlarnı qaytarğanımızğa urğulamaq ister edik. Sadece qırımtatar adları haqqında laf yürsetmek tam doğru olmaz edi, çünki biz ille de tarihiy, autentik adlarnı tikleymiz.
Qırım toponimlerine dair doğru terminlerni qullanmalımız!
Bu kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.